لقاء مع اصغر حكم كرة قدم واخصائي تخاطب “احمد قرني”
كتبت: نهله منصور
“احمد مفرح قرني”21 سنه في كلية تربية خاصه لذوي الأحتياجات الخاصه الفرقه الثالثة، اصغر حكم كرة قدم، يحب العمل التطوعي، بدأ من عام 2015 في مركز شباب محافظة الفيوم بالمشاركه التطوعيه في مجال ذوي الأحتياجات الخاصة وكيفية التعامل معاهم، وعمل معاهم جلسات حواريه يأتي في هذه الجلسه اللعب والترفيه.
واكمل حديثه قائلآ: بعد كده حبيت مجال الإلقاء، بدات اشتغل علي نفسي اجيب مقطع ذي الإعلامي وابدا اتدربت عليه اتكلم قدام المرايه لحد ما بدات اتحسن واحده واحده لحد اما أتقنت العمل ده بدات أقدام حفلات تخرج، قدمت حفله تخرج كليه التمريض جامعه بني سويف، وقدمت حفله تخرج جامعه كليه العلوم جامعه 6 أكتوبر العام الماضي، وقدمت حفله عيد الام ألعام قبل الماضي في جمعيه عباد الرحمن لتنميه المجتمع بالقاهره وقدمت حفله يوم التحدي العالمي لذوي الاعاقه بمركز مساحتي بمحافظه الفيوم بحضور محافظ الفيوم.
ثم بعد ذلك كنت من عشاق كره القدم قدمت في كذا مكان لكن لم يحالفني الحظ كنت همضي في نادي الاعلامين ثم بعد ذلك جاء الي أصابه منعتني من المشاركه مع النادي وجاء كرم ربنا ان هو تم فتح باب التقديم للحكام الجدد قدمت ثم بعد ذلك قبلت والحمد لله بقيت من الحكام الجدد منطقه الفيوم.
ومن فتره سمعت ان في تقديم للمشاركه في برلمان الشباب قدمت علي اللينك الخاص بالوزارة وعملت انترفيو داخل مديره الشباب والرياضه بالفيوم وقبلت وبفضل الله الآن عضو برلمان شباب محافظه الفيوم.
شاركت في استقبال السيد مفتوي الجمهوريه داخل جامعه الأزهر ,وانا حاليا عضو المجلس الطلابي الاستشاري بكليه التربيه بنين بالقاهره.
ثم حدثنا عن الصعوبات التي مر بها قائلآ: مريت بصعوبات من اهمها:
انا الولد الوحيد في البيت وكان بيكون عندي سفريات خارج المحافظه وكان والدي خايف عليه بسبب السفر وكده بعد اقناع تفهم الأمر وبدأ يترك ليه الأمر واحده واحده .
بس وبعد كده الحمد لله بدات اعرف اذاي اتعامل مع الصعوبات وخليها متقصرش فيه ابدا اتعامل معاها من البدايه، وكمان وانا في الصف الثالث الثانوي اعز صديق ليا توفي، كنت مدمر نفسيآ، ناس كتيره جدآ قالولي هتبقي فاشل ومش هتعرف تكمل حياتك فكنت مصمم ومصر ان اكمل علشان اثبت للناس دي اني مش ضعيف.
واكد بانه خاتم القرآن ولكن الدراسه لحد ما يؤثر عليه في المراجعه ولكن مش بيترك فرض ربنا ودا عامل اساسي من نجاحه تقربو من ربنا وعدم نسيانه.
وترك رساله لزملائه المحبطين بالفشل: بصي الفشل جزء من مرحله الوصول الي النجاح لزم أقع مره واتنين وتلات علشان لم اوصل احس بطعم النجاح ومسمعش لكلام محبط من الناس اكمل واخلي ربنا قدامي وربنا مش هيسيبني ابدا.
وفي اخر اللقاء وجه شكره قائلآ: في النهايه:
عايز اشكر والدي وامي واخواتي الناس دي هما سبب وصولي لكده .
وبرده بحب اشكر سيد أحمد عبدالتواب حمزاوي ده ابن عمتي واقف بردوه في ضهري ودايما بيدعمني.
وبحب اشكر كابتن محمد عبدالصادق، وكابتن جمعه الكأس، وكابتن حماده جمعه، واستاذ إسحاق، واستاذ احمد سعيد الناس دي كانت من أكبر الداعمين ليا اني اكمل في مجال التحكيم .
وبحب بردوه اشكر الاستاذه شيماء ايوب مترجمه الاشاره، والأستاذة نانسي حبيب مديره مركز قحافه لذوي الاحتياجات الخاصه الناس دي بردوه وقفت في ضهري كتير، واحب اشكر خالي محسن ده دكتور أمراض نساء ده من اكتر الناس اللي واقفه في ظهري، وعايز اشكر بردو محمود محمد جاب الله ده بردوه واقف في ظهري علي طول ده ابن خالي، بحب اشكر احمد ناصر لاشين ده ابن عمي ده بردوه بيدعمني كتير جدا، وحسام عويس لاشين بيدعمني علي طول.