كتبت : ميرنا يونس
لاول مرا بكتب بقلم الشعب وكلام الفئه اللي مأذيين ومحدش حاسس بيهم ، كلام الشعب مش واصل وللاسف محدش بيسمعهم .
عنواني هو معا ضد كلمه معاقين
الفتره اللي فاتت ف ناس كتير كلمتني بسبب اني مهتمه جدا بفئه ذوي الهمم والاحتياجات الخاصه ، لما شخص بيدخل يكلمني ويقولي انا معاق/ة مبقبلش بالكلمه دي ولازم اعرضه عليها ، لان المعاق/ة فعلا هما اللي ربنا انعم عليهم بنعم كثيره وهما مش حاسيين ومعندهمش الرضا الكافي اللي الناس دي عندها ، ناس كتير منهم موهوبين وممتازين ، عندهم اصرار وعزيمه وكفاح حرفيا مشوفتهوش ف حد عادي .
دول الشعب ، دول العزيمه والاصرار ولازم يبقوا مثال لكل الشباب دلوقتي ، ف ناس كتير اوي بتقولي ان ف ناس بتسخر منهم السوال هنا ؟
مفكرتش ان ممكن تكون انت نفسك او مراتك او بنتك او ابنك مكانهم .
انا لا انظر لهم بعين الشفقه ولكن بنظر لهم بعين الرحمه والانسانيه والقلب ، بعين اني شخصيه زيي زيهم .
محدش بيختار شكله ولا اهله ولا هيئته
احنا كلنا واحد علي ارض واحده