صفاء الحسيني من كليه اعلام الي نجاح في التسويق الرقمي ورياده الاعمال
كتبت /ميرنا يونس
صفاء الحسينى كليه الاعلام -جامعه المنصوره ، رغم حصولها علي مجموع عالي والتحقت بكليه من كليات القمه الا انها لم تتخلي عن حلمها بالدخول الي عالم التسويق الرقمي ورياده الاعمال ، واصبحت مدربه لاكثر من ٥٠٠٠ شخص .
-حابين نعرف ازاي قدرتي تخرجي من الاعلام وتبقي من انجح المدربين في التسويق الرقمي ورياده الاعمال وانتي عندك ٢٤ سنه بس؟!
-انا دخلت كليه الاعلام بس كنت متمسكه بحلمي في التسويق من بدري جدا وبقيت بجانب الدراسه اخد كورسات كتير ف التسويق اون لاين واوف لاين وفضلت لحد ما اتخرجت من كليه الاعلام .
-طب وبعد الكورسات اللي اخدتيها ، ايه ابرز الكورسات اللي اثرت في قصتك وخليتك تحولتي من شخص عايز يدخل مجال التسويق بس الي مدربه ناجحه ؟!
-بعد ما اخدت كورسات كتير بدات اتعمق فالتسويق وكان من ضمنهم :
كورسات في التسويق الرقمي ورياده الاعمال والتحول الرقمي وتأهيل البنوك واخدت دبلومتين ومنهم كانت دبلومه من دكتور عماد قطاره تأهيل بنوك ، واكتر من دبلومه وكورس في العلاقات الدوليه .
-وازاي قدرتي تتغلبي علي فكره ان المرأه بتتهاجم وتترفض من سوق العمل الي ست ناجحه وبدافع عن حقوق المرأه؟
-بعد نجاحي في مجال التسويق والعلاقات الدوليه كان ليا هدف اني اثبت وجود المراه في سوق العمل واتجهت اني اكون عضو فعال في منظمه العفو الدوليه ، واتدربت ف تدريب اعداد الكوادر النسائيه من المجلس القومي للمرأه برعايه القائد الاعلي للقوات المسلحه سياده الرئيس عبدالفتاح السيسي ، واتدربت تبع الاتحاد الاوروبي عن الجندر والمساواه ، وكنت صاحبه فكره تكنولوجيه لتطوير البنوك انا و٣ بنات زمايلي وتم التكريم ف الفكره دي بالفوز بالمركز الاول ، وصاحبه فكره مشروع سفراء الاستثمار انا و٤ من ضمن تيم والحمدلله الفكره اخدت مركز تاني واخدنا احسن عرض ف كل التيمات ، ومرشده رياده اعمال علي منصه ميكرو مونيتور لرياده الاعمال وساعدت اكتر من ٦٧ رائد اعمال لحل مشاكل في مشاريعهم ، ودربت اكتر من ٢٥٠٠ فرد ازاي يعملوا سي ڤي لنفسهم .
-طب وحاليا وبعد النجاح العظيم اللي حققتيه ناويه تعملي ايه ؟!
-انا حاليا بدرب رياده اعمال وتسويق رقمي وساعدت اكتر من ٥٠٠ فرد ل دخول منحه fwd من وزاره الاتصالات وبساعد الناس علي الاكونت بتاعي فيسبوك ولينكدان عشان يلاقو فرص عمل وحضرت منتدي شباب المحله بحضور بعض النواب .
ويوم الخميس الموافق ١٧/٣/٢٠٢٢ عندي ايڤينت للتسويق الرقمي علي مسرح بني سويف .