ثورة التعليم الفني “التنسيق لازم ينزل..حق التعليم الفني فين”.

كتبت: رانيا سلامه.

يناشد العديد من طلاب وخريجي الدبلومات الفنية الوزير طارق شوقي، بالنظر في إعادة منظومة التنسيق للدبلومات وزيادة أعداد المقبولين بالكليات والمعاهد.

حيث أن طلاب وطالبات الدبلومات والمعاهد الفنية المظلومين الذين لم ينالوا حقوقهم حتى الآن من التصحيح وكذلك التنسيق فهم مصريين ولابد أن يكون لديهم حقوق وأخذ حقوقهم من التنسيق الذي يقضي ع حلمهم بسبب ارتفاعه عام تلو الآخر وأيضًا نسبة دخولهم الجامعات بنسبه ضعيفة جدًا وهي 10%.

وقال الطلاب في شكواهم: “احنا مش أقل من الثانوي ولا الثانوي أقل مننا احنا لازم يكون لينا مكان في الكلية مينفعش طالب ثانوي يجيب 50% ولا 60% ولا حتى 70% بالغش أصلًا ويدخل كلية واحنا أقل كلية لينا من 96% ازاي واحنا روحنا فين من كل ده تعب سنين يروح على الفاضي غير تصحيح الورق والكنترول اللي اتظلمنا فيه، احنا بلد جميلة وحكومة حلوة بس مش مساوية بالعدل، خلوكم معانا”.

كما أضاف أحد الطلاب: “بسببكم مفيش تعليم كنت بروح المدرسة مدير المدرسة شخصيًا كان بياخدنا من الحصص علشان نبيّض المدرسة ولا نشيل رمل ويقولنا روحوا في الفسحة ولو شغلنا طول اليوم يقول متجيش بكرة المدرسة خد إجازة وعندي فيديو صوت وصورة دليل بالكلام”.

واختتموا: “احنا طلبة التعليم الفني.. احنا اتظلمنا كتير أوي.. ليو انتوا بتبصوا لينا أننا فاشلين؟.. لية مش مهتمين بالتعليم الفني؟.. لية شايفينا قليلين عن الثانوي العام؟.. احنا مش قليلين عن ثانوي عام ولا هما أقل مننا احنا مش طالبين منكم كتير ولا طالبين منكم المستحيل.. طالبين العدل والمساواة احنا تعبنا اوي كفاية احباط احنا هنكمل رغم العواقب اللي في طريقنا احنا مش أقل من حد”.