حوار: فوزية عثمان_
أعربت سلمى أمين “للجمهورية اليوم ” عن سعادتها بتوقيع ثلاث كتب لها ضمن كيان هيستريا وفي باقي الحوار سوف نعرض لحضراتكم أهم التفاصيل عن سلمى أمين .
في البداية أيه شعورك في إصدار و توقيع أول ثلاث كتب ليكي ورقية؟
حاسة بسعادة كبيرة كان مجرد حلم بحكي عنه للناس بس حاليًا الحلم أتحقق لم أتوقع النجاح بس حاليًا نجحت و حاسة إني هوصل في يوم إني أكون أحسن كاتبة.
أثناء الكتابة ايه اللي بيسيطر عليكي الخيال أم الواقع؟
حاليًا بدمج بين الاتنين القارئ بيحب الخيال لكن لازم أدمج بين الاتنين وأراعي الواقع.
سلمى مقلقتيش من النقد في أول تجربه ورقيه ليكي؟
أنا بشوف النقد حاجه إيجابية بيطورني و بحوله لنقد بناء.
ايه شعورك بعد زيادة عدد المتابعين ليكي؟
مبسوطة جدًا و فخورة بنفسي جدًا.
مش شايفه إن سنك صغير على المنافسة في الساحة الأدبية وسط العملاقة؟
هي مش بالسن هي بالذكاء و الموهبه كلما زادت الموهبه زاد الابداع والابداع ليس له علاقه بالسن .
في مقوله ليكي بتقول الحاجه الوحيدة اللي تبذل فيها مجهود هو الإحساس بالأمان الأمان عندك أهم من النجاح؟
أنا لو هنجح في حاجه مش حاسة فيها بالأمان هفشل الأمان هو إني أكون شايفه إني عملت اللي عليا حتى لو منجحتش .
ايه الرسالة اللي تحبي تقدميها للجيل اللي لسه طالع في الكتابه؟
“أقوله حاول متيأسش استغل النقد “.
