كتبت: مريم حسن خليفة
عبرت الفنانة “منة فضالي”، عن ضيقها ممن يهاجمونها بشكل غير لائق، من خلال التعليقات عبر صفحتها على موقع التواصل الاجتماعي “فيس بوك”.
حيث نشرت منشور عبر حسابها على موقع “فيس بوك” وكتبت: “اللي عامل متابعة الصفحة علشان يغلط فيا ليه عادي ممكن جدًا متابعنيش وبمنتهى الأدب، باللعكس أنت بتقل من نفسك أوي لما بتكتب كلام غير محترم مش مني عمر الغلط ولا الشتيمة ما بتعمل حاجة أبدًا والله، بالعكس أنت بتاخد ذنوب مش أنا، حتى لو أنا وحشة أو شايفني مش كويسة أحتفظ برأيك لنفسك”.
وأضافت: “أنا كتير قالولي متوجعيش دماغك بس أنا بحبكم وأنا كبرت وأتعرفت ونجحت بيكم أنتم ومش أنا بس أنتم سبب نجاح أي نجم أو نجمة، أنا عادي ممكن معملش أعتبار لحد بس أنا بحترم كل الناس وأكيد مش مجبرة أوضح ده، أنا وحشة حلوة لنفسي، أنت حر مالم تضر، الكلمة الحلوة مفيش أجمل منها هي اللي بتعيش ومش شرط كل الناس تحبني أكيد مكروها طبعًا بس مش عارفة ليه، الطبيعي أنا أكره شخص لما أتعامل معاه لكن أحكم على حد من صورو، الحياة فيها حاجات كتير وكل حد وليه اللي في صدقوني”.
كما تابعت حديثها وقالت: “أسافر إيه المشكلة أني أسافر مدام معنديش شغل إيه المشكلة، من فضلكم اللي أنا مش عجباه بكل أدب ممكن يلغي متابعة لكن مدام أخترت تتابعني ياريت يبقى بكل حب واحترام… أشكركم”.
ويذكر أنه الفنانة ” منة فضالي” قد شاركت في السباق الرمضاني الماضي في مسلسل “نسل الأغراب”، من تأليف وإخراج محمد سامي، ومن بطولة أحمد السقا، أمير كرارة، فردوس عبدالحميد، مي عمر، ملك أحمد زاهر وغيرهم من النجوم.