“سلمى سامح شمس الدين”: “الوقوع في الحب جميل، لكن هل جرَّبتَ أن تقع خارج الحب؟”
حوار : شروق ياسر محمود
استطاعت الروائية “سلمى سامح شمس الدين” وسط كُتاب كثير أن تثبت نفسها في المجال الأدبي و صدر لها 4 أعمال كتابية و كانت بدايتها مع رواية “تركتني وحيدة في المطبخ” و “للمنكسرة قلوبهم” وهى رواية رومانسية نفسية وحققت الرواية نجاحًا كبيرًا وتصدرت المبيعات و رواية “منازلهم الصغيره لا تسعني” و رواية “أخطاء الليلة الماضية في اسطنبول” و آخر أعمالها حتى الآن في معرض القاهره الدولى للكتاب 2021 رواية “أخطاء الليلة الماضية في ستوكهولم” .
حيث وضحت لنا كيف بدأت مشوارها في الكتابة قائلة: “كنت بكتب من و أنا صغيرة بابا كان دايمًا بيشجعني كنت بحب أكتب و هو يصححلي الأخطاء لحد ما نوصل إلى نهاية منطقيه يستوعبها القارئ و هو اللي بدأ معايا المشوار كله” .
و أكملت حديثها عن أول كتاب أتطبع لها قائلة: ” بدايتي كانت مع كتاب “تركتني وحيدة في المطبخ” كان عباره بنت بتحكي قصه حبها الفاشله في المطبخ، و بعدها والدي اتوفى و دخلت في حالة اكتئاب شديدة و ده كان السبب في كتابة روايتي الثانية “للمنكسرة قلوبهم” فهى تعبر عن الوقعات التى نمُر بها كبشر ” .

و أضافت قائلة: ” أول رواية ليا موصلتش بيها للنجاح اللي أنا عايزاه لأن الروايه مكنتش معروفة لكن بعد كدة بدأت أنها تتعرف و قدرت أوصل للنجاح اللي بتمناه و ده بمساعده و تشجيع ناس كتير ليا و بفضل الله رواية “أخطاء الليلة الماضية في إسطنبول” وصلت للطابعة ال12 و روايه “للمنكسرة قلوبهم” وصلت للطابعة ال10″ .
و أنهت حديثها بتوجيه نصيحة للناس اللي عايزة تبدأ تكتب روايات قائلة: “اكتب كتير وإتمرن و إشتري كتب تساعدك على كتابة الرواية وطبعا القراءة الكثيرة و بلاش تسمع لحد و خليك واثق في حلمك انك هتقدر تحققه” .