كنت بائع جزم بأمريكا….تفاصيل مهمه للفنان عصام عمر فى بدايته الفنيه كتب أسامه اشرف تفاصيل مهمه للفنان عصام عمر في بداية مشواره الفنى وكيف بدأ رحلته الفنية منذ البداية وحتى وقتنا هذا الفنان عصام عمر كان يعمل في محل جزم بأمريكا وايضا كموديل اعلانات وكان بيستلف فلوس عشان يعرف يعيش.. وكان رافض يعمل مسلسل (بالطو).. وكريم عبد العزيز قاله:”هتبقى نجم كبير”.. وصدفة غيرت حياته.. ومكسر الدنيا بمسلسل بطل العالم اسرار ستعرفها لاول مرة للفنان المبدع عصام عمر من مواليد 91، وعنده أخ وأخت، وكان بيحب التمثيل من وهو صغير..ولما دخل ثانوية عامة قال لأهله إنه هيدخل معهد فنون مسرحية.وفي الأول كانوا موافقين.. لكن لما جاب مجموع كبير في الثانوية قالوله:”مفيش معاهد.. إنت هتدخل كلية في جامعة إسكندرية”وبالفعل قدم في كلية آداب.. وهناك لقى قسم مسرح فكتبه رغبة أولى، وقسم فلسفة رغبة تانية.. وقال: طالما معرفتش أدخل المعهد يبقى ناخد الطريق من كلية آداب.لكن لما دخل الاختبارات سقط.. واضطر يحول على قسم الفلسفة.وعشان كده فضل 4 أيام ما بيروحش الكلية، لحد ما شافه موظف في قسم المسرح وقاله: إنت ممثل حلو أوي إزاي متقبلتش؟..فرد عصام وقاله: نصيبي كده.والراجل قرر إنه يكلمه رئيسة القسم، وعملوله إعادة اختبار، وعصام فاجأ الكل.. واتقبل في قسم المسرح.وبعد التخرج اشتغل في مسرح إسكندرية
وأول حاجة جاله دور ضيف شرف في سيت كوم «تامر وشوقية»، ومسلسلات ايضاً مثل «لا تطفئ الشمس» و«الآنسة فرح».
وأشهر حاجة عملها إعلان لعمرو دياب وشركة بيبسي في 2017.
وشوية وشه ظهر وبدأ يتعرف في الوسط الفني، وهنا وقف إعلانات وقال: لو كملت فيها هحرق نفسي. والمخرج بيتر ميمي أول ما شافه وافق عليه،في مسلسل الاختيار
وبقى يقول لأسرته تعالوا اتفرجوا عليا في «الاختيار» وأنا واقف مع أمير كرارة.
وأهله لما شافوه ما كانوش مصدقين إنه هو بسبب المكياج.
ورغم إن الدور كان صغير وما يعديش ال3 دقايق، كان متفائل وحس إن دي البداية.
وأول بطولة سنة 2023 في مسلسل «بالطو».
بالتوفيق 