محمد سلام في اول ظهور لي بعد مسلسل كارثة طبيعية كتب اسامه اشرف نشر الفنان محمد سلام على مواقع التواصل الاجتماعي بعد اول ظهور له في مسلسل كارثة طبيعية وقال الحلم بنسبالي الاول مكنش تمثيل كان نفسي اخش كلية هندسة بس مجموعي كان جايب تجارة وانتساب كمان فحلم كلية هندسة ساعتها بنسبالي راح إني ابقا في كلية هندسة لاني كنت بحب الرياضيات جدا .. فكنت حلمي بعد ما دخلت كلية تجارة اني ابقا معيد ف اول سنة سقط في ال 5 مواد
فالحلم عمال يروح مني كل شوية فنفس اليوم دا شيلت هم وبقيت محبط مش عارف اقول لاهلي إيه بكلم صحبي في الجامعة قالي انا في المسرح تعالالي فوق فقعد معاه عشان نهون على بعض شويه فهو كان شغال بروفة على المسرح ف انا قعدت على الكرسي اتفرج فحسيت ان كل الاحلام والسنين الي فاتت هي دي اللحظة الحقيقية ودي اللحظة الفارقة معايا كلمت صحبي قولتله عايز امثل قالي كلم المخرج وكدا ومن هنا بدأت في مسرح الجامعة .. وبقيت على مسارح الدولة وبقدم انترفيوهات كتير واترفض لحد ما عملنا قهوة سادة مع استاذ خالد جلال الي حابب اشكره جدا من بعدها بدأت اتعرف واعمل حاجات كتير وعملت سينما ودراما ومسرح إني اعمل اول بطولة مسلسل ليا مسلسل كارثة طبيعية ومبسوط إني بحتفل بنجاحه هنا في ليبيا 