مدرس الفيزياء يملأ الاستاد بالطلاب مش بالحفلات كتب اسامه اشرف مدرس الفيزياء يملأ الاستاد بالطلاب مش بالحفلات تخيل إنك داخل استاد كإنك رايح تشوف ماتش أو تسمع حفلة لعمرو دياب وفجأة تلاقي آلاف الطلبة قاعدين في المدرجات بيذاكروا فيزياء! ده مش مشهد من فيلم.. ده اللي عمله كيرلس القس، الشاب اللي قلب مفهوم الدروس الخصوصية في مصر.كيرلس، ابن المنيا، مش خريج علوم ولا تربية.. ده أصلاً صيدلي!لكن شاءت الظروف إنه يسيب مجاله ويبدأ من تحت الصفر، ويقرر إن رسالته الحقيقية هي إنه يفهم الطلبة الفيزياء من غير ما يجلدهم في الأسعار.
عمل حصة الفيزياء عنده ب 20 جنيه بس والمذكرات
والمشروبات؟ مجانًا!
الراجل بدأ حياته وهو بيركب عجلة يلفّ على الطلبة لحد بيوتهم..
باع عربيته علشان يكمل جوازه.. وولا مرّة قرر يستغل شهرته أو بفتح سنتر فخم أو يرفع الأسعار.
وبيأكد دايمًا ان “التعليم مش بيزنس”
عمل قناة يوتيوب سماها الدكتور في الفيزياء، ونزل عليها شرح مجاني علشان كل طالب مش قادر يدفع مايتحرمش.
ولما حب يعمل حاجة مختلفة عمل أكبر درس فيزياء في مصر!
اتأجر استاد المنيا بالكامل على حسابه الشخصي والنتيجة؟ المدرجات اتملت بالطلبة كإنه حفلة لنجم كبير, بس المرة دي الجمهور جاي يتعلّم