صحفية جنازة مصطفي درويش
وردت أنباء عن فصل الصحفية التي تم التقاط صورة لها وهي ضاحكة أثناء تصويرها جنازة الفنان مصطفي درويش .
كما أنها تحولت إلى التحقيق ، وبعد إنتشار الصورة على مواقع التواصل الإجتماعي نشر صحفي على صفحته الخاصه منشور لتوضيح الموقف وقال : “هي حاليا بتتعرض لإنهيار عصبي وإن اللي عملته دا كان غير مقصود وهي كانت بتضحك على جملة زميلتها اللي جبنها قالتها ، وأنا تواصلت مع بنت من اللي ظهروا في الصوره وكانت بتضحك وهي زميلة شغالة في مؤسسة صحفية، بداية كلامي معاها كانت منهارة تمامًا ومش قادرة تتكلم بسبب كل الكلام اللي اتقال عليها من الفنانين اللي روجوا للصورة دون معرفة تفاصيل الصورة إيه وإيه سبب ضحكهم، سألتها عن تفاصيل الصوره وايه الموقف اللي حصل وقت الصورة، ودي شهاده لله”.
وتابع : “قالتلي أن هي كانت ماسكه موبيلين وبتصور والبلوزة اترفعت وايدها ظهرت أثناء وهي بتصور شاورت لصاحبتها اللي كانت واقفه جنبها ترفع البلوزه نظرًا لأن هي كانت ماسكة موبيلين عشان مفيش جزء من جسمها يبان، صاحبتها ابتسمت ليها وقالتها أن دا وقته يعني ؟ فـ الزميلة ردت بابتسامه وقالتها يعني أيدي تبان أو جزء من جسمي ؟ وضحكوا هما الاتنين ” .
صحفية جنازة مصطفي درويش
ولقى الخبر ردود أفعال من الجمهور وأغلبيتها ضد تصرف الصحفية ..
وقالت أخري : ” مش موقف عفوى علشان برضه ظهروا في فيديو وهما برضه بيضحكوا وخصوصا البنت اللى كانت ماسكة موبيلين .ومينفعش نبرر موقف مقرف زى كده ربنا يصلح حالها ” .
وعلق أخر “يعني اي بتضحك علي كلمه بنت جنبها ده الواحد شاف الفيديو عيط وقلبو وجعو” ، وعلقت فتاة قائلة : “طبعا لازم تتوقف عن العمل ..ومفيش عذر يبرر موقفها وضحكها ومش مقبول الدفاع عنها ع فكره ..احترموا حرمه الموت وحزن الاخرين الله يرحم مصطفي درويش ويغفرله ويصبر اهله ” .