حوار مع الطالبة المثالية “سارة سعد ” بكلية التربية النوعية جامعة الفيوم

حوار مع الطالبة المثالية “سارة سعد ” بكلية التربية النوعية جامعة الفيوم

كتبت: نهله منصور

هي طالبة بالفرقة الثالثة كلية تربية نوعية جامعة الفيوم، من قرية مناشي الخطيب التابعة لمركز الفيوم محافظة الفيوم، قالت ان في بداية النشاط المجتمعي كانت صعبة لانها اتربت في ارياف محافظة الفيوم، وفي عادات وتقاليد هي اتخطتها ودا كان صعب في بداية الموضوع.

وقد قالت ان اللقب بيتم الحصول علية مره واحدة فقط خلال الاربع سنين، وهي حصلت عليه في الفرقة الثالثة.

واكدات انها الداعم النفسي في اي وقت صعب مرت بية، وقالت ان اهلها بيساعدوها ماديآ لتصل لأحلامها.

واضافة انها خاتمة القرآن الكريم من سبع سنين، وقالت ان موضوع التنسيق بين شغلها في العمل التطوعي ودراستها متعب جدآ، ودا كان من اسباب حصولها علي لقب الطالبة المثالية، لانها كانت بتعرف تنسق بين كل دا، واضافة ان طعم النجاح بينسي اي تعب

واضافة قصتها نوع من تحفيز الطلاب زملائها قائلة: عايزة احكي حاجة صغيرة انا كان حلمي طب أسنان ولكن النصيب جابلي تربية نوعية مكنتش حابه الكلية وقعدت اول سنة فيها كدا بالعافية وفعلا ضيعت سنة من عمري ع الفاضي لحد ما قابلت قائد عبد الناصر طارق والقائد محمد خالد واقترحو عليا اني ابدا في النشاط التطوعي وانزل اشوف الناس عايشين ازاي في القرئ عشان ارضي واقتنع اقتناع تام اني ف نعمة وفعلا نزلت العمل التطوعي وبدا في شهر 10/2021 نزلت واشتغلت واجتهدت سواء نشاط داخل الجامعة او خارجها والحقيقة اتفوقت جدا وبقيت معروفة وحقيقي حسيت ربنا بيعوضني عن حلمي اللي معرفتش احققو ودا كان احلي عوض ف دايما متيأسش انت متعرفش الخير فين واتاكد ربنا لو خد منك حاجة هيديك الاحلي لان اللي اخدو مكانش خير ليك انزل وشوف الناس هتعرف انك في نعمة وانك احسن من غيرك الف مرهه اسعي واجتهد ربنا مش بيضيع تعب ومجهود حد وفي اخر كلامي عايزة اوجهه شكري الكامل للقائد عبد الناصر والقائد محمد لان لولاهم مكنتش هعرف يعني اي تطوع ولا اوصل لاي حاجة من اللي انا فيها دي.

وقدمت شكرها الخاص قائلة: انا كمان حابهه اشكر احمد لاشين هوا اخصائي تخاطب وحكم كرة قدم، اكتر حد وقف جمبي في اخر فتره واكتر حد كان بيحفزني ويقولي كملي عايزة اقولو شكرا لوجودك معيا ودعمك ليا.