حوار صحفي مع الرسام “مجدي سعد ” لجريدة الجمهورية توداي.
كتب منيرة محمد
حدثنا عن سيرتك الذاتية؟
مجدي سعد
22 سنة، من دمياط، بدرس في كلية سياحة وفنادق جامعة المنصورة.
متي رسمت أول لوحة ؟
بدات من 6 سنين على ورق ومن 3 سنين قدمت المحتوي بتاعي علي تيك توك في حسابي الرسمي وبقا عندي مليون و100 الف متابع، واكتر من 400مليون مشاهده على فديوهاتي
و100 الف متابع علي فيس بوك.
كم يستغرق من الوقت لرسم لوحة فنية ؟
وقت الرسمه بيكون من ساعتين ل 5 ساعات ع حسب الرسمه وتفاصيلها الموضوع مرهق شوايه بس ف الاخر بطلع حاجه كويسه بالنسبالي وبكون حبب كدا.
ماهي أهدافك من خلال لوحاتك؟
انا ديما بفكر ازاى اعمل حاجه تشد الناس ويكونوا مستغربين مش مجرد ان اعمل رسمه ف تعجب الناس وخلاص، فاكنت بشتغل على الحته دي دايما ولما لقيت اللون بتاع الرسم دا بدات اتعلمه ودا كان من اكتر من 6 سنين علي ورق لحد ما اتقنت الموضوع ف بدات اشوف حاجه تشد الناس اكتر وتكون حاجه مختلفه ف بدات بقا اجرب علي الارض ف الاول فشلت طبعا بس بعد اكتر من محاوله بدات الرسومات تظهر لحد ما وصلت للمستوي دا.
ما تتمني ان تحقق بموهبتك في المستقبل؟
نفسي ان شاء الله ان انا اكون معروف ع السوشيال ميديا بشكل كبير وعايز اطور من نفسي اكتر بحيث ان ميبقاش في فرق بين المحتوي اللي بقدمه هنا ف مصر والمحتوي اللي الاجانب، بتقدمه وعايز استغل دا كمان ف ان ادخل مجالات تانيه زي التمثيل مثلا لان مش حبب ان انا اكون ف حتت السوشيال ميديا بس.
لكل رحلة نجاح داعم حقيقي .. من كان داعم ” مجدي” في مسيرته ؟
طبعا اهلي ف ضهري وبيدعموني طول الوقت ومعظم صحابي كدا، لان هما شايفين ان انا بعمل حاجه كويسه ومحتوي يستاهل ف ديما بيشجعوني على التطوير من ده.
ختامي للحديث أتوجه بخالص الشكر للرسام مجدي سعد مع تمنياتي له بالنجاح والتوفيق الدائم وعلى موعد حديث آخر.