كتبت.اماني اسماعيل
نشر الفنان احمد زاهر صورة تجمع بينه وبين المخرج محمد سامي علي مواقع التواصل الاجتماعي”فيس بوك”
معلق”انا مش ضد قرار المتحده لان اكيد ده له اسباب و في سبيلها للحل باذن الله انا ضد حمله التشويه البشعه لسمعه و شخص محمد سامي اللي بيقوم بيها بعض الزملاء و بعض اللجان الاليكترونية انا ضد تشويه سمعه اي حد مش بس محمد سامي الراجل ده انا اعرفه من ١١ سنه و اشتغلت معاه اكتر من خمس اعمال مشوفتش منه غير كل خير و احترام و تقدير للموهبه و بقولها و هاقولها طول عمري محمد سامي هو اللي غير حياتي بعد اراده ربنا سبحانه و تعالي ولن انسي له هذا الفضل هو اللي خلاني اخس ١٠٠ كيلو عشان تمسك بيا في مسلسل حكايه حياه و ده الدور اللي غير حياتي و تتوالي بعده كم نجاحات و كلها معاه و اخرها فتحي في البرنس.
البرنس و دي كانت نقطه تحول تانيه في حياتي تفتكروا اللي شفت منه كل الخير و الاحترام و التقدير و الموهبه و النجاح ده كله مكنش جنبه و ادعمه انا مفيش في ايدي حاجه اعملها غير اني اقول شهاده حق يعلمها الله سبحانه و تعالي وعاوز بس افكركوا ان محمد سامي هو نفس المخرج اللي سقفتوا له كل السنين اللي فاتت