رسميًا : الاهلي سيلعب الموسم الجديد بشعار لا يتواجد عليه العلامة التجارية للنادي.
كتب: اسماعيل عاشور.
صرح سعد شلبي ” المدير التنفيذي للنادي الأهلي ” : في برنامج ملك وكتابة على قناة الاهلي مساء امس,بالاتي.
اشار انه احنا كلنا حاسين أن في خلل عندنا في الموسم الرياضي كل الدوريات في العالم شغالة بقالها أسابيع واحنا لسة مبدأناش الموسم الرياضي احنا عندنا عدم توافق مع الأجندة العالمية وأجندة التصنيع لأن قبل 9 شهور لازم تبلغ الشركة.
اكد ان النادي الاهلي كل مرة يزداد تطورا خلال الأربع سنين الماضية كنا نتعامل مع شركة أمبرو لكن انهاردة احنا بنتعامل مع الشركة رقم 1 في العامل نص العقد
كان بيقول أن قبل بداية الموسم بـ 9 أشهر لابد من إرسال العلامة التجارية اللي بتبقى موجودة على التيشيرت وأيضا بيبقى التصميمات بتاعت الملابس بتتم قبل الموسم بـ 9 شهور.
أقرء ايضاً:
نجم افريقي بمواصفات اوربيه(صفقة الاهلي القادمة)
https://gee-eg.com/archives/125695
اضاف ان الجمهور لحد دلوقتي متابع أننا في مرحلة الخطوات النهائية لإنهاء العقود التجارية الجديدة اللي بتبدأ من موسم 22/23 لحد موسم 25/26
وبالتالي كابتن محمود الخطيب مع مجلس الإدارة الموقر خاطبنا الشركة الموردة للملابس الرياضية انهاردة,والاهلي سيلعب الموسم الجديد بشعار لا يتواجد عليه العلامة التجارية للنادي الأهلي
“نادي القرن الافريقي” .وستعود مع بداية الموسم الذي يليه.
أنشأنا شركة الأهلي لكرة القدم هي مملوكة للنادي الأهلي لكن تظل ملكية العلامة التجارية مملوكة للنادي الأهلي وليست مملوكة لشركة الأهلي لكرة القدم
وفي هذا الوقت كان عندنا مجموعة من العقود التجارية جمهور الأهلي يعي جيدا موقفه تجاه التغيير اللي حصل في العلامة التجارية يعكس ثقافة راقية جدا لجمهور النادي الأهلي
وفهمه لهذه العلامة علشان كدة احنا مهتمين بهذا الشأن ,الموسم ده خلص 30/8 فكانت العقود بتاعت الحقوق التجارية مازالت سارية واللي موقعها النادي الأهلي
وكان من ضمن الحقوق دي أننا مرخصين الشركة اللي كانت شارية الحقوق التجارية في هذا التوقيت حتى تاريخ 30/8 هو الاستخدام الحصري للقب نادي القرن.