كتبت رحمه محمد
هاجم الممثل المصري أحمد فلوكس، الفنان محمد رمضان، بعد سخرية الأخير من والد فلوكس، الممثل فاروق فلوكس لتجسيده دور “صبي رقاصة”.
مبالغ خيالية.. هذا ما يتقاضاه عمرو دياب وتامر حسني ومحمد حماقي مقابل إحياء حفلة واحدة
وكتب الممثل فلوكس على صفحته الخاصة على موقع التواصل الاجتماعي: “شوف يا حماده، انت ترفض إنك تعمل دور صبي رقاصة لأنك دايما نمبر وان، فأكيد هتبقي عينك على دور الرقاصة نفسها، مش الصبي بتاعها، وانت ما شاء الله ناجح في ده جدا وبتعمله سهل وانت عريان ما دريان”.
وتابع: “نمبر وان بقى يا سيدي، زي بالظبط ما يكون واحد مسجل نشل، استحالة يحلم أن يكون أمين شرطة، حلمه هيكون أكبر من كده، هيكون نمبر وان”.
وأضاف: “أنا والدي عمل دور صبي رقاصة لأنه بيعشق التمثيل والأدوار الصعبة، والحمد لله إنه ربى رجل بيحترم نفسه وبيحترم اللي بيقدمه للناس، وبيحترم بلده، ودمه فداء ليها، لأن شعب بلده هم اللي عملوه فلازم يقدملهم أحسن حاجة، وبحمد ربنا أكتر وأكتر، إن ما خلفش واحد مسجل نشل لأن المسجل هتكون أقصى طموحه أن يكون أسطورة، وهيرقص برضه بس عريان”.
وختم: “وبعدين مش شرط تعمل دور صبي رقاصة، ممكن تكون نجم كبير بس أخلاقك أخلاق صبي الرقاصة، وده الأخطر مع إن والله صبي الرقاصة ولا بيقهر حد ولا بيظلم حد، ولا ليه في سكك الشيوخ والدجل، ولا نصاب ولا بيحكها مع الكبار”.وقال فاروق فلوكس في تصريحات صحفية، “انا ماعملتش دور صبي الرقاصة فقط، انا عملت ادوار تانية مهمة، وكتير فالجيل الحالي يتمنو يقدمو نفس الأدوار دي، وده لأهميتها”، موضحاً: «عملت دموع في عين وقحة، بطولة الأستاذ عادل إمام»، ودي لغة الفن اللي مابتمشيش بنوعية واحدة، جميع أدواري اللي قدمتها على مدار مشواري الفني بقدم شخصيات مختلفة، وهي دي اللي الناس بتصدقها.
وتابع: «لما أعمل شخصية صبي رقاصة لا بد أن تكون الشخصية فيها مضمون، لو هو مش فاهم في ده هو حر، لكني أنا مجرحتش حد خالص، ولا حتى المشاهد كان مخلة في أي شئ، ولكني نجحت في تجسيد الشخصية، والدليل ان كل المشاهدين صدقوني فيه».
وعن أسباب هجوم محمد رمضان عليه، أكد فاروق فلوكس أنه لا يعرف سبب كل هذا الهجوم، ودائما أسأل نفسي لماذا دائما يحاول أن يقلل من حجم النجوم الكبار، متابعاً: «أنا مش عارف هو بيهاجمني ليه، بس انا موكل ربنا فيه لأنه المفروض من دور ابني وانا زي أبوه، فليه بيعمل كده؟ كل ده عشان اللي اسمه الترند».
وأردف فاروق فلوكس تصريحاته قائلا: «محمد رمضان هو لو جتله شخصية زي اللي أنا قدمتها، والله ماهيعرف يقدمها بالإتقان ده، لأن هو كتير بيظهر واد شقي وبتاع أكشن وهو شاطر في كده، لكن هو كممثل مستواه كويس، لكن ثابت ومش بينوع أدواره ولا بيجدد نفسه أصلا».