الفنان “أحمد العوضي” يطلب الدعاء مجددًا لزوجتة الفنانة “ياسمين عبد العزيز”
كتبت: شروق ياسر
طلب الفنان “أحمد العوضي” الدعاء من الجمهور و المتابعين مجددًا لزوجته الفنانة “ياسمين عبد العزيز” بعد دخولها غرفة العمليات و لكن لم يذكر سبب مرضها و قام بتوجيه رسالة لها عبر حسابه الشخصي “فيسبوك”.
حيث علق قائلًا: “يمكن ببان قدامكم دايمًا قوي لكن الحقيقة أنا دلوقتي أضعف إنسان على وجه الأرض علشان أنا روحي مش معايا أنا ضعيف جدًا من غيرك أنتي لازم تبقي كويسه ولازم تقومي بالسلامة أنا لأول مرة أكتب من غير ما أكون مفكر أنا بكتب ايه وهكتب ايه بس أنتي هتقومي إن شاء الله بإذن الله عشان أنتي وعداني وعد وهتنفذيه أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا إني بحبك ألف مره”.
و أختتم حديثة قائلًا: “وأنا دلوقتي مش قوي زي ما أنتي بتشوفيني أنا دلوقتي ضعيف ضعيف جدًا لحد ما تقوميلي تاني عشان زي ما أنتي بتاخدي قوتك مني أنا كمان باخد قوتي منك قومي عشان أنا بحبك بحبك أكتر بكتيير من كل الكلام اللي أنا كتبته أكتر بكتير من كل اللي عدينا بيه مع بعض من أيام حلوة ومواقف صعبه مرت علينا أكتر بكتير حتى من الموقف اللي إحنا فيه دلوقتي أنا بحبك ادعولها تقوم بالسلامة زي ما أنتو دايمًا بتدعولها بالنجاح والتوفيق هي دلوقتي محتاجه دعواتكم”.