متابعة : منيه محمد
تصدر إسم الفنان يوسف الشريف أكثر التريندات وبعدها اثارت الفنانة نهي العمروسي جدلاً واسعاً بحديثها عن فكرة للتلامس في الأعمال الفنية .
صرحت نهي العمروسي في برنامج ” vip ” الذي تقدمه الإعلامية أميرة بدر علي شاشة ” هي ” : بشوف الناس دي مش محترفين ، مينفعش وأنا راجعة من السفر و أبويا ميحضنيش اللي يمثل دور أبويا ، مينفعش أكون قاعدة في البيت بالإيشارب والمحجبات مبيقعدوش في البيت بالإيشارب ، مينفعش محضنش أختي اللي بتمثل دور أختي مينفعش إحنا بنمثل ” .
وإستكملت : ” مشفتش تعليق حنان ترك علي إعتزالها بس بعيد عن الشخصنة أنا مش موافقة علي المبدأ ، إنما ممنوع اللمس .. طب أنت بتمثلي لية ؟ ” .
وتابعت نهي العمروسي : ” يوسف الشريف يرفض التلامس ، هو حر وأنا لازم أحترمه بس أنا حرة إني أقول لأ ، إنه مش محترف وده مش فن ، مينفعش أنت تحطلي شروط وأنت شايف إن دة حرام متلعبهاش خالص ، لكن أنت راضي إنك تشتغل الشغلانة دي تشتغلها بمصداقية أو تشوف شغلانة تانية ” .
وكان الفنان يوسف الشريف قد صرح في تصريحات تليفزيونية سابقة إنه ” وضع شروطا علي المشاهد الجريئة أو مشاهد القبلات منذ نحو أكثر من 10 سنوات ، وقرر أن يكون الإتفاق المبرم مكتوباً في العقد .
وأوضح أن الأمر يراوده منذ مشاركته في بطولة فيلم ” هي وفوضي ” الذي أعرب عن سعادته وفخره بالمشاركة به ، ولكن والده رأي أن بعض المشاهد لا تتناسب نهائياً .