“مش قادر استوعب حقيقي” يوسف عثمان ينعي الفنان الراحل أحمد خليل..

كتبت: مريم حسن

نعى الفنان الشاب “يوسف عثمان” الفنان الراجل “أحمد خليل”، حيث نشر عدة صورة له عبر حسابها الشخصي على موقع “فيسبوك” معبرًا عن حبه وافتقاده له بكلمات مؤثرة.

وعلق على الصور وقال: “من الصبح وأنا مش قادر استوعب حقيقي.. من أول مرة قابلته في خيط حرير وكنت خايف أهزر معاه على جائنا البيان التالي لحد ما قابلته مع المخرج أحمد خالد أمين في الشركة عشان حدوتة ورا كل باب، وأنا حسيت أن ده أنا لما أكبر بكل تفاصيل شخصيته بطباعه بهزاره قد إيه كنت مبسوط بكل لحظة بمثل فيها معاه ومكنتش مصدق ازاي في وقت قصير كده خدنا علي بعض وبقينا أصحاب جدًا أكن مفيش أي عمر ما بينا”.

كما أضاف قائلًا: “أنا عيطت كتير الصبح وغالبًا حعيط تاني بس فاكر كل حاجة فاكر ضحكنا وكلامنا وقعدتنا فاكر كل حاجة يا أستاذ أحمد و حفضل فاكر و ادعيلك بالرحمة”.

والجدير بالذكر أن الفنان أحمد خليل توفي صباح اليوم عن عمر يناهز 80 عامًا، إثر إصابته بفيروس كورونا وتدهور حالته الصحية.