أول رد من “حمو بيكا” على منتقديه “اتعلمت احترم الكبير والصغير”.

كتبت: مريم حسن

رد الفنان “حمو بيكا​” على كل من وجه له الإهانات والإنتقادات لانه لم يكمل تعليمه المدرسي والجامعي، في منشور عبر حسابه الرسمي على موقع “الفيسبوك”.

وكتب: “بتقولو عني جاهل ومش متعلم، مع أن دي حاجة أنا عمري ما أنكرتها ولا حتى خبيتها على الناس ومن يوم ما ربنا كرمني واتشهرت وبقى ليا جمهور، بس هرجع وأقولكم تاني أنها حاجة مكنتش بأيدي، أنت بقى يا “متعلم” التعليم علمك إنك تقعد تعاير الناس بعيوبها؟.. التعليم علمك أن تفضل تتنمر على خلق الله ؟.. التعليم علمك إنك مباح ليك الشتيمة في حد هو أقل منك في شئ؟، أكيد لا فمتجيش من ورا شاشة وكيبورد تعمل فيها عم الناصح وأنت أصلًا موركش حاجة تعملها !”.

وتابع حديثه قائلًا: “أنا متعلمتش ومنولتش الشرف الكبير ده بس أتعلمت حاجات كتير في الدنيا أنت متعلمتهاش لسه، اتعلمت احترم الكبير والصغير .. أتعلمت أشقى وأتعب من صغري أتعلمت إني مغلطش في حد، أتعلمت حاجات كتير جدًا في حياتي أنت عمرك مهتتعلمها طول ما أنت باصص للناس.!”.

وأختتم: “فكر في كلامك كويس وكومنتاتك كويس قبل ما تكتبها وقبل ما تقول إنك متعلم أفتكر إنك في “تربية وتعليم” يعني التربية قبل التعليم… صباحكم فل”.