الفنان “أحمد سعد” برفقة الداعية “مصطفى حسني”

كتبت: شروق ياسر

عبّر الفنان “أحمد سعد” عن حزنه بسبب تعليقات الجمهور المسيئة على صورته مع الداعية “مصطفى حسني” من قبل عبر صفحته الشخصية “إنستجرام”.

حيث نشر صورة جديدة لهما وعلق عليها قائلًا: “الجمعة اللي فاتت قابلت الشيخ مصطفى حسني بعد صلاة الجمعة واتصورنا مع بعض ونزلت الصورة حكم الناس وتعليقاتهم كان هجومي جدًا وكأن الجنة والنار اجتمعا مع بعض في صورة واحدة قد ايه فرحني الشيخ مصطفى حسني لما قابلته الجمعة دي كمان وسألته إوعى تكون التعليقات ضايقتك ولو حابب أشيلها قالي ازاي بتقول كده أنت صاحبي وحبيبي ويلا ناخد صورة كمان بيفرق أوي إن يكون في ايدك تكتب تعليق يجرح ويضايق حد وإنم يكون في إيدك كلمه حلوة تفرح بيها حد حتى لو مختلف عنك شكرًا يا شيخ مصطفى حسني على انفتاحك وتقبلك للآخرين زي ماهم وده دليل كبير أوي أنك حقيقي وإن المواعظ والمحبة اللي بتتكلم عنهم في خطبك حقيقي مش كلام بس، وياريت كلنا نتعلم نتقبل الآخرين أو على الأقل مانجرحش فيهم لمجرد اختلافنا عنهم وإن علاقتنا بربنا شيء خاص جدًا”.

و الجدير بالذكر أن طرح الفنان  “أحمد سعد” أحدث أعماله الغنائية فيديو كليب بعنوان “الملوك” عبر قناته الرسمية “يوتيوب” كما أنه يستعد خلال الفترة المقبلة لتقديم عدد من الأغاني المختلفة بالتعاون مع مطربي المهرجانات.