كتبت: مريم حسن خليفة
شاركت الفنانة هلا رشدي الجمهور بصورة لها عبر حسابها الخاص علي موقع التواصل الاجتماعي “فيسبوك”، أكدت من خلاله تمسكها بارتداء الحجاب.
علقت عليها قائلة : “أنا مش أحسن واحده بتلبس الحجاب لكن بحاول احافظ عليه واحسِّن منُّه على قد ما اقدر.. كلنا بنعك وبنضعف بس الصح نطلع لقدام مش نرجع لورا “.
وتابعت:” كل شيطان سواء إنس أو جن بيحاول يقنعك تقلعي الحجاب مش بيقولك اقلعيه لكن بيجيبهالك بالتدريج يا إما بإغراء إنك جميله وقمر وليه مخبيَّه الحلاوه ديه كلها.. انتي لسه صغيره والعمر قدامك، اما تكبري ابقي البسيه بعد ما تكوني عيشتي حياتك واستمتعتي بيها.. يا إما يقولك إنه مكبَّر سنِّك والكلمه ديه طبعاً بيبقى وقعها اكبر على البنت لو لسه ما اتجوزتش.. يا إما يحبطك ويقولك بقى ده حجاب ده؟؟ احترمي حجابك واتقي الله انتي بتسيئي للحجاب… وكل شيطان بطريقته وشطارته يتسرسب لمخك ازاي..”
كما أضافت: “أول حاجه تعمليها تستعيذي بالله منه ومن أعوانه، وتستغفري وتصلي ع النبي كتير وتدعي ربنا يثبتك ويهديكي وتبدإي تِشَغَّلي دماغك وتبتكري في شكل حجابك، لحد ما تبصي في المرايه حابه شكلك وعلى قد ما تقدري .. على قد ما تقدري راضيه ربك .. فـ تنزلي واثقه في نفسك، فـ تحببي البنات في الحجاب، فتاخدي ثواب أكبر من تمسكك بحجابك.. فتجيبيله جلطه، وربنا يهدينا ويصلحنا ويرضى عننا جميعاً ويثبتنا”.
والجدير بالذكر أن هلا رشدي قد شاركت الفنان محمد الشرنوبي مؤخرًا، في غناء أغنية إعلان شركة “AMS” للملابس، الذي طرح خلال شهر رمضان الحالي.