طفل ينقذ أسره كامله من حادثه قطار بطنطا كتب اسامه اشرف تداول مؤخرا على مواقع التواصل الاجتماعي لواقعة قطار وتم انقاذ الموقف من خلال طفل يسمي مهند يبلغ من العمر 13 عام طالب في المرحلة الإعدادية مهند كان راكب القطار من محطة الحامول في العربيه التانيه بعد الجرار بالظبط والقطار بيتحرك من المحطه وداخل علي التحويلة علشان يمسك الطريق مهند سمع صوت طقطقه وعفار وتراب طالع من عربية القطار اللي فالخلف وفي ستات واطفال بيصرخوا فيها
مهند اخد باله ان العربيه دي خرجت عن القضبان وبتمشي علي الزلط وخلاص القطار كله ممكن يتقلب !!
من حسن الحظ ان القطار كان لسه ماشي بالراحه لانه فوق التحويلة (مهند ) نط من القطر وفضل يجري علي الأرض لغاية ما اصبح موازي ل كابينة السائق وفضل يصرخ وينده علي سائق القطار لغاية ما السائق انتبه له ووقف القطار مهند كان سبب في إنقاذ حياة المئات من العمال والموظفيز والأسر والأطفال لان القطار لو كان كمل كان هيتقلب شجاعة عفوية وتلقائية ، جينات بطل ، ربنا يحميك , يسلم اللي رباك وحمد اللّٰه علي سلامتك تستاهل مصر كلها تعرفك وتشكرك يا بطل تحيه وتقدير لك على موقفك الطيب منك أيها المكافح الذي كان سبب كبير في انقاذ حياة المواطنين رمز مشرف لجميع البلاد