حوار خاص مع الكاتبة زينب أحمد الغيطاني
كتبت: بسملة اشرف محمد
التقت جريدتنا بالكاتبة زينب أحمد الغيطاني، صاحبة الروايات الشهيرة “ظلام قلبي”، “فرصة تانية”، “اللغم” و”خفايا القلوب”، والتي تشارك في معرض القاهرة الدولي للكتاب هذا العام بعملها الجديد “أحفاد دراكولا “.
في هذا الحوار، تكشف لنا عن تجربتها الأدبية ورؤيتها للكتابة والقراء.
بدايةً، عرفينا علي حضرتك أكتر؟
أنا زينب أحمد الغيطانى
مواليد محافظة دمياط
عمرى 27 سنة
ليسانس تربية قسم دراسات
اجتماعية وبشتغل مدرسة مجال بحبه جداا وبطلع فيه أحسن ماعندى وطلابى بيحبونى الحمد لله
كيف تجدين أجواء معرض الكتاب هذا العام؟
فيه فعاليات كتير وأجواءه لذيذة جداا أنا مكنتش عاوزه أمشي بصراحة
يعنى سواء كاتب أو قارئ
هاتحب الموضوع جداا ومش هاتحب تمشي من المكان
حدثينا عن روايتك الجديدة “إحفاد دراكولا”.
هى أخر رواية كتبتها وأول رواية كتاب
أنا كشخصية بحب الخيال العلمى جداا والفانتازيا والاحداث المشوقة
ومن اول ماكتبت وانا عاوزه أعمل حاجة فانتازيا ومشوقة وأحداثها جميلة مفيش فيها ملل
الى بيقرأ من اول صفحة ميقدرش يسيبها الا لما يخلصها
ولما قررت لا خلاص الفكرة بقت واضحة أكتر فى ذهنى
من حيث كل حاجة من فكرة لشخصيات لاحداث
كلنا اكيد سمعنا عن رواية دراكولا
أو حتى شاهدنا فيلم بيتكلم عنه
كنت حابة أعمل حااجة مختلفة
حتى أصل دراكولا مختلف فى الرواية… اقرأوها وانتو هاتعرفوا
وعاوزة أقولك إن وانا بكتبها مكنتش مخططة ليها تنزل كتاب فى المعرض وكنت هانشرها الكترونى زى باقى روايتى قبل كده
وكنت الخطوة دى بأجلها
بس قولت لو فضلت أأجل مش هاعمل حااجة وخدت الخطوة
ومضيت العقد مع دار النشر
وعهدت نفسي أطلع أحسن ماعندى فى الرواية بالاخص ان رواياتى قبل كده
وصف المشهد فصحى والحوار بالعامى
رواية أحفاد دراكولا كلها لغة عربية فصحى من وصف للمشهد للحوار بين الشخصيات
فكانت تحدى كبير بالنسبة ليا من جوانب كتير
كيف كان رد فعل القراء على أعمالك السابقة؟
أول رواية ظلام قلبى
الناس الى بتحب أجواء الدراما والعلاقات وبالذات علاقة الابناء والآباء
رواية فرصة تانية
فى كومنت احد المتابعين لا يمكن ان انساه للنهاردة
( روايتك علمتنى اعطى فرصة تانية لعلاقتى بالى حواليا)
كومنت دخل قلبى بجد ان رسالتى من الرواية وصلت
رواية اللغم رسالتها ان الانتقام مهما كنت على حق بيوصل صاحبه لطريق مسدود
الانتقام نار بتحرق صاحبه قبل الكل وكل الى قراها اتفاعل معاها لدرجة واحدة زعلت جداا من النهاية وكانت حابة نهاية تانية وكومنتات ناس تانية كان رايها ان دى انسب نهاية وانهم حبوها جداا
رواية خفايا القلوب
كانوا القراء منقسمين لفرق
حسب الشخصيات من شدة حبهم ليها وتفاعلهم معاها
لما وصلت للنهاية كانوا عاوزينها تفضل مكملة ومتخلصش
حب المتابعين للشخصيات وتفاعلهم معاها ده بعتبره نجاح للرواية
ما التحديات التي واجهتها خلال مسيرتك الأدبية؟
ان الاقى وقت أكتب
ده أكبر عائق بجد
علشان شغلى احيانا مبلاقيش وقت وممكن توصل ان اطبق علشان اخلص كتابة الفصل
طالما الاحداث فى دماغى وتصورى ليها بكون محتاجة وقت اكتب
تانى عائق ان بفقد الشغف
فى نص الكتابة بالظبط
انا قعدت قبل كده 3 ساعات فاتحة صفحة جديدة علشان اكتب الجزء الجديد
ومبكتبش للاسف
لان انا مبحبش اكتب لمجرد الكتابة لازم احس بالاحداث وتبقى حاضرة فى دماغى
علشان اقدر أكتب حاجة انا شخصيا أحب أقرأها
كيف ترين تطورك ككاتبة على مر السنوات؟
تطور ملحوظ بالنسبالى
وبيقوى مع كل تجربة كتابة ليا
فانا لو هاقارن اول مرة كتبت
بأخر واحدة الى هى أحفاد دراكولا فالبنسالى أفضل واحدة
لانها نتيجة خبرة فى روايات تانية قبل كده
مش معنى كده ان الروايات الى قبل كده اقل منها بالعكس كل رواية ليها الطابع الخاص بها
ورسالتها الى حبيت اوصلها
بشكل سلس بسيط لاى سن قارئ
ما هي رسالتك من خلال الكتابة؟
ان بوصل للقارئ الى انا عاوزه اقوله عن طريق رواية تحمل أشخاص وأحداث بيفهم من خلالها رسالتى
ايا كانت اى هى المهم الراوية تكون هادفة وذات محتوى جيد
يناسب جميع الاعمار
كلمة أخيرة لجمهورك؟
شكرا لكل شخص قال رايه فى روايات السابقة وساعدنى برايه سواء نقد او اعحاب بالرواية
أن اطلع حاجة كويسه وتنال اعحابكم
واتمنى أن رواية أحفاد دراكولا
تنال اعجابكم وتحبوها
وتحسوا كانكم عايشين مع الشخصيات ل الرواية
نفس احساسي وأنا بكتبها
تشرفت بحوارى هذا مع الاستاذة الجميلة بسملة
شكرا لكِ
إقرأ أيضاً: حوار خاص للجمهورية توداي مع ممثل الشباب في دولة غينيا