“بعد النجاح الأول، روايتي الجديدة تحد أكبر” – الكاتبة “شهد محمد جادالله” تتحدث عن إصدارها الثاني
حوار صحفي مع الكاتبة “شهد محمد جادالله”
كتبت: بسملة اشرف محمد
في معرض الكتاب هذا العام، كانت الكاتبة شهد على موعد مع جمهورها مرة أخرى لتقدم لهم روايتها الثانية “غنوة”.
بعد النجاح اللافت لروايتها الأولى، تكشف شهد في هذا الحوار عن تجربتها مع الكتابة هذه المرة، والتحديات التي واجهتها، وما تطمح إلى تحقيقه من خلال عملها الجديد.
كيف تشعرين بمشاركتك الثانية في معرض الكتاب؟
مبسوطه جدا إني قدرت اشارك للمره التانيه بـ عمل ورقي طبعاً
والمره دي الرواية تختلف كتير عن المره اللي فاتت في الفكره والأسلوب وفي تطوير كتير أنا راضيه عنه
روايتك الجديدة “غنوة”، ما المختلف فيها عن عملك الأول؟
اللي يختلف فيها أن غنوة تعتبر خمس روايات في رواية واحده ، كذا حكاية من نفس القصة وفيها كمية مشاعر الإنسان يحب أنه يقراها ويعيشها فيها ميكس فانتازيا بسيط مع ميكس رومانسي مخلي الرواية في حته تانيه
كيف أثر نجاح روايتك الأولى على كتابة العمل الثاني؟
الحمدلله روايتي الاولى كانت الأكثر مبيعآ في الدار بعد ما شفت الإقبال عليها بدأت احضر للفكره الجديده واستعد للمعرض بتاع السنه دي
هل واجهتِ تحديات مختلفة أثناء كتابة الرواية الثانية؟
في الحقيقة اه الرواية المره دي كانت كبيره جدآ ، وفي نفس الوقت كنت بشتغل وبدرس مكنش عندي وقت إني اكتب غير الكام ساعه بتوع بليل لكن الحمدلله في النهاية اتكتبت وخلصت في شهر .
كيف كان استقبال روايتك الثانية حتى الآن؟
لحد دلوقتي الحمدلله أنا شايفه إقبال عليها بطريقه كويسه كذا ريڤيو إيجابي جالي بيشكره في الفكره وفي طريقة السرد عاجبهم جدآ الغلاف فـ الحمدلله
ما هو طموحك في المستقبل بعد الروايتين؟
طموحي مش مجرد عدد روايات على الارفف وخلاص أنا بس بتمنى إني اسيب اثر في كل حد يقرأ ليا ، واتمنى اكون قد حُسن ظنهم بيا وبـ قلمي وحابه اقول إني بحضر لـ جديده هتعجبكم جدآ
كلمة أخيرة لقراءك؟
بحبكم جدآ وبحب دعمكم وتشجيعكم ليا وبقراء كل الكلام اللي بيجيلي بكل حب وكل الشكر ليكم على ثقتكم فيا وحبكم الغير مشروط ليا ولكل حاجه بكتبها.
إقرأ أيضاً: مدبولي يناقش مشروع رأس الحكمة مع وزيري الصناعة والإستثمار الإماراتيين