الشاعرة هدير محمد
حاور /هبة وليد
قالت الشاعرة هدير محمد التي تبلغ ٢١ عاما ،في حوار صحفي لجريدة الجمهورية توداي أنها كانت تحب سماع الشعر منذ الصغر ،ومع مرور الوقت اكتشفت ابداعها في كتابة الشعر وإلقائه .
وأضافت أنها كانت تقوم بتشجيع نفسها على التقدم وكانت العائلة تمثل مصدر الدعم لها ، وكانت أولى قصائدها قصيدة ( حب مش مضمون ).
وأشارت أنها تستلهم مواضيع قصائدها من الواقع ،وتقوم باختيار عنوان القصيدة بناء على رؤيتها القصيدة من حيث ( الرومانسية أو الحزن أو السعادة والتفائل ).
وذكرت أن التحديات التي كانت تواجهها هي دخول المنافسات وكيفية الاستعداد لها.
وشاركتنا بجزء من قصيدتها
(صابنى دور الاكتئاب)
” قاعدة مع نفسي في اوضه ضلمه
ببص في المرايه
لقيت تحت عيونى سواد
صابنى دور الاكتئاب
من رعشه إيدى
ووجع في قلبي
حتى عيونى بدأت تخبي…
بدأت تخبي الكلام
مبقيتش عارفة إن اعيط
ولا عارفة حتى إن أنام
حتى تليفونى سايباه
مبقاش ليا مزاج إن امسكه
مش قادرة افتح شاتات
وخلاص بطلت حوارات
مش عاوزة غير حبه هدوء
كوبايه شاى مع صوت أم كلثوم
يغيره المود
مش قادرة حتى إن أعافر
ولا قادرة حتى إن أجادل
كل اللى حواليه واللى عاوزينه
بقيت أقول
تمام .ماشي .حاضر
بطلت خلاص مجادله
نفسيتى تعبت من المناهدة
كل اللى حواليه استغربوا من التغيير
في اللى بيقولى مالك يبنتى
وفي اللى بيقولى بندعيلك كتير
قلمى بس اللى بيعبر
وعمره ما خان ف التعبير
بحاول ارجع زى الأول
بحاول ابقا كويس
وتمام
مسير الحزن يمشي لبعيد
وهنرجع احسن من الاول
وهنستقبل افراحنا بالسلامات والترحيب ” .
و وجهت هدير محمد نصيحتها للشباب الذين يرغبون في دخول عالم الشعر :” استمر في الكتابة واجتهد أكتر وستصل “.
وأعلنت الشاعرة عن رسالتها التي ترغب في إيصالها لجمهورها وهي :” الشعر مجرد إحساس وإبداع ، ولا تبخل على اي شخص بمعلومة “.