حكايات الاحياء المصرية 1
كتبت : نورا محمد
حي الزمالك واحدة من أرقى المناطق السكنية في القاهرة رغم أن كلمة زمالك معناها أصلًا ” العشش المصنوعة من الكوخ أو البوص”
في 1830 محمد على باشا بنى قصر كبير مخصص للنزهات والاسترخاء في شمال جزيرة الزمالك وحوالين القصر بنى عشش وأكواخ خشبية للحاشية علشان يقعدوا فيها ومن هنا اتسمت الجزيرة الزمالك؛ لأن الزمالك كلمة أصلها ألباني معناها العشش المصنوعة من الخشب أو البوص. وفي أقوال تانية بتقول أن سر التسمية بيرجع إلى زهرة الزمالك اللي كانت بتنمو بكثرة على الجزيرة
حي الزمالك معروف من أوائل القرن العشرين أنه مقر سكن الأغنياء في مصر بداية من البشاوات والسياسين والفنانين وكبار العائلات في مصر وده بيرجع لسببين رئيسين: موقع الجزيرة المميز على النيل وقربها من أهم المناطق في القاهرة زي: المهندسين والدقي والعجوزة ووسط البلد وارتفاع أسعار الشقق والبيوت فيها. كمان حي الزمالك معروف بانتشار عدد كبير من سفارات الدول المختلفة فيه، بأهم البزارت وأتيليهات أكبر مصممي الأزياء بالإضافة إلى وجود عدد من أهم معالم مصر السياحية به.
اهم شوارع حي الزمالك
اهم وأكثر الشوارع شهرة في حي الزمالك:
- شارع أبو الفدا
من أشهر شوارع زمالك وأكتر الأماكن السياحية هناك، فيه مجموعة من أشهر مطاعم وكافيهات القاهرة مثل: Sequoia و Left Bank وClub 33 و فندق أم كلثوم … إلخ، بالإضافة إلى مبنى أبو الفدا الإداري اللي فيه مجموعة من أكبر الشركات العالمية والحكومية في مصر وكمان سفارات الدول.
- شارع الجبلاية (أم كلثوم سابقًا)
اللي في اتحاد الكورة والنادي الأهلي
- شارع 26 يوليو
شارع تجاري وأكتر شوارع الزمالك زحمة فيه محلات أكل وملابس وكافيهات زي: Zooba و Mr Wok وChick Shack وغيرهم.
- شارع حسن باشا صبري
اللي فيه مكتبة الشروق وسفارة هولندا وألمانيا والبرتغال.
هم الفنادق في الزمالك:
فندق الماريوت: 16 شارع سرايا الجزيرة – الزمالك
فندق فلامنكو: 2 ش الجزيرة الوسطى – الزمالك, القاهرة خلف فندق وبرج أم كلثوم
فندق ارك ان سيل: ش سرايا الجزيرة – الزمالك – القاهرة
فندق بريزدنت: 22 ش طه حسين – الزمالك
فندق لونج شامبس: 21 ش محمد إسماعيل – الزمالك
فندق نيو ستار: 34 ب ش يحيى ابراهيم الزمالك, القاهرة, مصر
فندق أم كلثوم: 5 أبو الفدا، الزمالك، الجيزة
فندق النيل كومودور: 13 ش المرعشلى – الزمالك – القاهرة
فندق هيلتون زمالك ريزيدنس: 21 محمد مظهر – الزمالك – القاهرة
حكايات الاحياء المصرية 1