أبرز تصريحات ياسمين صبري في لقاءها مع الإعلامي عمرو أديب
تصريحات ياسمين صبري
كتبت: سندس عكاشة.
لقاء ياسمين صبري في برنامج الحكاية مع الإعلامي الكبير عمرو أديب، الذي يعرض علي MBCمصر، و من خلال اللقاء كشفت ياسمين صبري الكثير من الأسرار عن حياتها الشخصيه و فلسفتها في الحياة.
و ردت ايضا ياسمين صبري عن الكثير من التصريحات التي أثارت الجدل بتقليد جورجينا رودريجز. و وجهت ياسمين صبري الكثير من النصائح للمراة و غيرها.
و من أبرز التصريحات.. ” لو مكنتش ممثلة كنت هكون سيدة أعمال أو محامية ، و اختياري لمهنة الفن محامية لأني بعرف اتفاوض و بالي طويل
الحلاوة بتساعد في الحظ لكن ممكن تضيع لو أسات استخدامها
بيقولوا إني شبه جورجينا يمكن عشان نفس لون الجلد و الشعر و الروح و المنظر ،
عندنا مشكلة كعرب بنمجد أوي في الشئ الأجنبي و العربي نشوفه نمبر 2، دي مشكلة ثقافية . عندي براند باسمي مستحضرات تجميل هينزل السوق السنه اللي جاية،
انا عمري ما بلعب في شكلي ولا في وشي و لا بصبغ شعري ، لما عملت مرة حاجة في وشي بوظت نفسي ورحت شايلاها ،أنا من الناس اللي لو غيرت حاجه في نفسي ببقي أوحش،
اي حاجة ماشية في البحر باكلها أي مخلوق بحري بأكله،الناس لما بتشوفني باكل سمك و قواقع بيستغربوا باكل بإيدي ،
أنا لا أكون عداءات و معنديش أصدقاء كثير عندي صديقتين قريبين ليا ،
صعب يكون عندي صديق راجل لأن بيحصل تكوين مشاعر و لو ظهرت مع صديق هيفتكروه أكثر من كده و يتكلموا
وأنا صغيرة كنت بشيل صاج الكحك أودية للفرن و أكل علي السلم و أنا راجعه ،
أي راجل هيحبني إلا لو شيطان
أنا بقول إني أتحب مش عشان الشكل الخارجي ..لكن أنا في الحقيقة بسيطة و هادية و بنت بلد.. عمرك ما تشوفني في أمتر بارتي ،أنا شخصية محافظة و أفتخر و الميزة دي بقيت نادرة ،
الانتقام غباء و تضييع وقت و معناه إني مهتمة ،و أنا بهتم بنفسي ثم نفسي ثم نفسي لغاية ما تيجي حاجة مهمة اهتم بيها ، فلسفتي إن الحياة جميلة و مومنة بنظرية النظارة الوردية ،
أنا لما أكون مع صاحبتي و جوزها لازم أمشي ،و اخلي الست مرتاحه ، الإ إذا أصرت إني أكون موجودة، انا بحب الستات ،و أقدرهم جدا، و أبسط حاجة تسعد الست ، الكلمه الحلوه للست صدقة جارية و جبر خواطر ،طول عمري من أربع سنين بلعب رياضة و جدتي خلتني أمارس السباحة، و لغاية سن 18سنة كنت سباحه محترفة .
الراجل هو اللي بيحصل للست إنها لا تشعر بالأمان و الثقة،
الحديد بيعمل تقسيم للجسم و يخلي الست شبة الحصان ، و ده نوع جمال أنا بحبه ، بحب الست الممشوقة اللي عضلاتها مرسومة زي الأبنوس،
هي رجالة بتخاف تكلمني عشان بيحسوا أنهم مش قدي و هيقدمولي اية،
الطائرة الخاصة بتبقي جزء من تعاقداتي ، و الطيار الخاصة مش بتعمل إنسان ، لكن الإنسان هو اللي بيعمل الطيارة ،
الممثل ممكن يستخدم نفسه بطرق أكثر من المهنة و هو عبارة عن علامة تجارية لازم يستثمر فيها.
ربنا أنعم عليا بنعمه الشكل ، و ده مساعدني أكون واجهة ،و كملت الباقي بالإستايل و اللبس.
الجمال بقي مش ميزه و فيه وفرة،المهم ثقل الإنسان و رزانته و قوته العقلية ، و إنه لا ينكسر حتي لو قايل الوحش في أخر ليڤل.
بشوف تعليقات بتقول هي بتصرف كل الفلوس دي ،لكن أنا مش بحب بصرف جنية ، ده بيحصل لما علامة تجارية تقول أنا عايزة الست دي تمثلني .
كيم كاردشيان مش نموذج ليا في الحياة لكن بشوفها ست عرفت تستخدم مشاكلها صح ، هي بتمسك أي حاجة تخليها دهب لأنها براند لوحدا لكن ده نموذج سئ دا مش إنجاز.
أخت كيم كاردشيان الأصغر منها أقوي منها ، هما سبحان الله جيناتهم جميلة لكنهم نموذج مش حلو الفلوس ممكن تعمل بطرق كتيره المهم تكون مشرفة و لما نكبر منندمش عليها.”