“عدلي القيعي “الأهلي معندوش سيولة مالية ودي المفاجأة، والسيولة بتاعتنا لاتأتي في موعدها .
عدلي القيعي
كتب : أحمد عبد الحليم
ذكر المهندس عدلي القيعي رئيس شركة النادي الأهلي لكرة القدم ردا على الانتقادات الموجهة إلى الشركة والى مجلس إدارة النادي بالاهتمام بلانشاءات فقد وعدم تدعيم الفريق بلاعبين مميزين مماسبب الخساراة الكبيرة امام صنداونز وقال القيعي في برنامجه ملك وكتابة على قناة النادي :الناس بتقول هو انت بس بتهتم بالرعاية والإنشاءات، لا النادي الأهلي معندوش سيولة مالية ودي المفاجأة، السيولة بتاعتنا مبتجيش في مواعيدها، الرعاية 2 مليار على 4 سنين يعني 500 مليون في السنة، مصروفاتك في السنة تتجاوز الـ 900 مليون جنية وتقترب من المليار، فتلاقي الناس بتقول بلاش بخل في الصفقات، رغم إن أنا بشوف ان أوقات بيكون في إنفاق بيكون زيادة لأن الناس بتطمع فيك، احنا عايزين نوفر عمله صعبة في ظروف أصعب، احنا مبنحطش ايدينا في جيبونا نطلع المبالغ اللي احنا عايزنها
وأكمل حديثه عن الصفقات الاجنبيه وذكر ان يعقوبو أول لاعب أجنبي خلصنا فيه ولكن فشلت الصفقة بسبب الكشف الطبي، دا لو كان إجتاز الكشف كان إتحلت مشكلة المهاجم، دخلنا في صفقة موليكا وفضلنا 20 ايام متواصلين مع النادي التركي، وكنا شغالين علي لاعب برازيلي تاني وتقوم ناس تخوش تبوظ الصفقة بعد الاتفاق وفجأه اللاعب وكيله طالبوا طلبات غير منطقية700 ألف دولار عموله، ما هو محدش هيقدر يضغط عليا عشان أنا محتاج لاعب
وأكمل حديثه ايضا خلال البرنامج وتحدث عن الإستفادة من الجمهور وتحقيق المدخيل وقال النهاردة عايز أستفاد من جماهيرتي عشان تحققلي المداخيل المطلوبة زي أي فريق في العالم ما بيستفاد من جماهيره بس للأسف مش عارف، أندية العالم كلها بتفتح مدرجاتها بالسعه الكاملة وشوفنا صنداونز إزاي بتلعب وسط جمهورها والوداد السنة اللي فاتت جمهوره كان عامل إزاي على ملعبه، امتى هنعيش ظروف كروية طبيعية، عايزين نعيش في الظروف الطبيعية ونطبق القوانين واللي يغلط يطبق عليه القوانين بمنتهى الصارمة، بس وقتها الجماهير نفسها هتكون مسئولة وهتخاف على ناديها وهتحافظ على تواجدها في المدرجات، شوفنا كويسيس منتخب الشباب لما لعب قدام الجماهير ايه اللي حصل، اللعب قدام الجماهير حاجة تانية وبتخلي كل حاجة تتغير، فإذا كنا معتقدين إن الجماهير دي أسباب النجاح اللي العالم كله بيستفاد منها لازم نرجع الجماهير، لكن لو بنقول إن دي حجج عشان الخسارة فخلينا ماشيين إن دي حجج واحنا صح والناس اللي بره اللي بيستفادوا من الجماهير وضغط الجماهير وبيكسبوا وبينجحوا هما اللي غلط.
وتأتي هذه التصريحات عقب الخسارة من نادي صنداونز الجنوب إفريقي بخمسة أهداف مقابل هدفين في الجولة الرابعة من بطولة دوري الأبطال الأفريقي وتأزم موقف الأهلي في المجموعة وصعوبة تأهله .
هذا ويلاقي الاحمر يوم الجمعة القادمة نادي القطن الكاميروني في عقر داره وليس أمام الأهلي اي فرص اخرى غير الفوز على أمل تعثر نادي الهلال بالخسارة او التعادل اما صنداونز لكي تبقى امال الأهلي قائمة في البطولة فافي حالة فوز الهلال على صنداونز في المباراة التي ستجمع بينهم في السودان سيودع الأهلي رسميا البطولة من دور المجموعات.