كتبت : نادين محمد
طاقة الشباب تنتج الهامات ، و مواهب جديدة فريدة من نوعها مليئة بالحيوية ، و الابداعات حيث ظهر ذلك مع الكاتبة ” هند فايز ”
حيث سَردت قصتها التي كانت مليئة بالآمال ، وعرفت بنفسها قائلة : انا هند فايز ، في كلية التجارة فرقة تالتة ، و بدأت اطور نفسي ، و اكتشف موهبتي من سنة ، لما لاقيت طاقة كبيرة عايزة اطلعها في حاجة معينة .
كما أضافت قائلة عن سعيها وشغفها : بدأت من سنة أفكر في مجالي ، وخارج مجالي محبتش أقف مكاني برغم إن كليتي بعيدة تماما عن مجال الكتابة وهوايتي لأن كان هدفي الاول ” إني أسيب أثر بين الناس “.
ذكرت ايضاً سبب اختيارها للكتابة ، وقالت : كنت بحب الكتب والقراءة بس مجاش في بالي خالص إني ممكن أكتب ، لكن قولت لنفسي ليه لا خليني اجرب بعد ما ناس كتير ساعدتني في ده .
ووضحت بدايتها والصعوبات التي واجهتها قائلة : بدأت في أول شهر ٩ ، ولاقيت نفسي في الاول مش عارفة أكتب بالفصحى ، أو العامية ، لكن ميأستش وقولت هجرب مرة وإتنين وتلاته وحاولت كتير جدا لحد ما نجحت الحمدالله في الأخر ، وبعمل دلوقت كتابي الجديد ” حبر من الماضي ” .
كما وجهت بالشكر للأشخاص الذين دعموها وقالت : أوجه الشكر لكل الناس الي دعموني منهم “كوتش أسماء لطفي ، و أية محمد ” وطبعاً لأكتر ناس وقفت جنبي وكانت معايا بعد ربنا ، وهما أهلي هما الي شجعوني بجد .
و ذكرت حلمها قائلة : أول حلم حققته في حياتي كان دخولي الجامعة ، و الحلم التاني برضو إني أحقق نجاح تاني خارج مجالي ، والاهداف الجاية إني أجيب عربية ، وأعمل كتب كتير ، وكتاب لنفسي .
ووجهت رسالة للأشخاص الذين يريدون ” أثر ، وبصمة ” مثلها حيث قالت : أبدأو طوروا من نفسكم ، و أشتغلو على نفسكوا من دلوقت ، ومتقفش عشان يكون ليك شغلك الخاص زي ناس كتير ممكن تشتغل عندها وتكون مطورة من نفسها ، وانا بوجه ليكم رسالة لكل الناس الصغيرة أو قدي “أتشجعوا ، وأعملوا كل الخطوات ورا حلمكم ، وهدفكم هتبقوا متميزين في مجالكم مهما كان وهتبقوا احسن منا ومن الناس الي حواليكم.
واختتمت الحوار قائلة : ” طه حسين مكنش أحسن واحد لكن قدر أنه يبدأ بالعقلية حتى وصل لأعلى المراتب ” وشكرا جدا ليكي وللجريدة.