كتب: مصطفي منازع
كشفت الفنانة شيري عادل عن إصابتها بفوبيا الخوف من ركوب المصاعد الكهربية «الأسانسير» بسبب موقف صعب حدث لها في طفولتها، لافتة إلى أنها قد ترفض أدوارًا معينة بسبب ذلك.
وحكت شيري خلال لقائها مع الفنان أمير كرارة في برنامج «سهرانين» المذاع عبر فضائية «ON»، عن الموقف الذي تسبب لها في الإصابة بهذه الفوبيا قائلة: « وأنا صغيرة حصل حادثة وأنا في الأسانسير، الأسانسير وقع، وستر ربنا أن الحبل مكنش مقطوع بشكل كامل فموقعش جامد، وهو كان أسانسير قديم لكن كان أسانسير من بتوع زمان اللي بيبان فيه كل حاجة، والأبواب مكنتش باينة من السرعة، وأنا كنت ساكنة في الدور الـ14، وكنت صغيرة وجاية من المدرسة، ومن يومها وأنا بطلع 14 دور وأنزل 14 دور على السلم، لحد ما الدكتور قال هيجي لها القلب ولازم تعزلوا وعزلنا ساعتها وبقت عقدة».
وأشارت شيري عادل أنها أصيبت بعقدة من المصاعد وأنها من المستحيل أن تستخدم المصعد بمفردها، موضحة: «لما بسافر بيكون فيه في الفنادق أدوار عالية مبقدرش أطلع لوحدي وأفضل أستنى حد طالع وأطلع معاه ومستحيل أركب الأسانسير لوحدي».