كتبت : نادين محمد
رد الفنان المصري أحمد فلوكس على تصريحات النجم محمد رمضان، وانتقاده لدور والده فاروق فلوكس “صبي الراقصة”.
حيث كتب أحمد فلوكس عبر حسابه على موقع “فيسبوك”: “شوف يا حمادة، أنت ترفض تعمل دور صبي رقاصة لأنك دايمًا نمبر وان، فأكيد هتبقى عينك على دور الرقاصة نفسها، مش الصبي بتاعها”.
وصرح ايضاً : “أنت ما شاء الله ناجح في ده جدًا، وبتعمله سهل وأنت عريان ما دريان، نمبر وان بقى يا سيدي، زي بالظبط ما يكون واحد مسجل نشل، استحالة يحلم يكون أمين شرطة، حلمه هيكون أكبر من كده، هيكون نمبر وان”.
استمر هجومه على محمد رمضان قائلًا: “أنا بحمد ربنا أكتر وأكتر إنه (والدي) ما خلفش واحد مسجل نشل ، لأن المسجل هتكون أقصى طموحه أن يكون أسطورة ، وهيرقص برضه بس عريان، وبعدين مش شرط تعمل دور صبي رقاصة، ممكن تكون نجم كبير بس أخلاقك أخلاق صبي الرقاصة”.
وختم قائلًا: “في نهايه كلامي ربنا يوفق الجميع، وربنا يكفيك شر حفيد البشوات لما يكون كمان صعيدي ومتعلم ومتربي تربية ولاد البلد الرجالة ومن الأشراف (..) علشان لما بيغضب بيبقي عامل زي الظابط كده اللي مسك مسجل نشل وهو بيسرق هدومه اللي عالمنشر ، هيعرفه ساعتها العالمة كانت عالمة بإيه”.
حيث جاء رد “أحمد فلوكس” بعد تصريح قديم للفنان محمد رمضان في أحد البرامج الحوارية ، عندما قال فيه: “فيه فنان كبير عمل أشياء أرفض أن افعلها، وكان بيعمل أدوار صبي عالمة ولو هشحت مش هبقي زيه، رغم أن هذا الفنان قدير”.
وجسد الفنان “فاروق فلوكس” شخصية صبي عالمة للفنانة نبيلة عبيد ، وهو “شفيق ترتر” في فلم ” الراقصة و السياسي ” وهو تأليف إحسان عبدالقدوس ، وإخراج سمير سيف ، ونجح الفيلم الصادر عام 1990 في ترك بصمة كبيرة في السينما المصرية.