كتبت/ إسراء عادل
صرحت الشاعرة أميرة البيلي ” الصورة دي وانا عندي ١٤ سنة ”
قصة كفاح شابه مصرية عظيمة كان حلمها أنها تبقي اول ست تقدم شعر باللغة العامية.
قالت البيلي ” في أول مرة سجلت فيها قصيدة ” أنا مليت” الصورة دي كانت من فوق المكتب عشان ابقي قريبة من اللمبة كإنها رينج لايت ، وبستاند ب ١٥ جنية وبتليفون صيني بسيط بكاميرا ، بدأت مشواري في كتابة الشعر وانا عندي ١٤ سنة كانت بحاول استغل إمكانياتي وإمكانيات بيتي المتوفرة عشان ابقي ناجحة وعشان اقدر اطلع فيديو اعبر فيه عن موهبتي واوصل صوتي للناس” .
وبالنسبة للمعاناة الي قابلتها في طريق النجاح قالت ” كنت وانا في السن ده بسافر للقاهرة وانا معيش غير تمن مواصلاتي و ببقي حقيقي جعانة جدا بس مبقولش حتي لأهلي اللي عمرهم ما كانوا هيبخلوا عليا بس كان ديما علي لساني معايا فلوس متقلقوش”.
وبالنسبة لحفلاتها قالت ” كنت ممكن اسافر كل يومين مرة عشان اعمل حفلات ميحضرهاش غير ٢٠ شخص ”
كانت نفسها تبقي رقم واحد في شعر العامية وترفع اسم البنت ” الشاعرة ” في العالم العربي كله ، وحفلاتها تبقي كومبليت في تاني يوم الإعلان عنها ، كانت بتشوف ان لية ساحة الشعر مفيش فيها ست شاعرة عامية ، وكان كل حلمها أنها تكون رمز لشعر العامية النسائية البسيط وترفع اسم بلادها.
” أميرة البيلي الشاعرة المصرية صاحبة ملايين المتابعين ” كنت بسعي عشان اسمع الجملة دي ، فضلت اجتهد من ٢٠١٤ لحد ٢٠١٨ واتشهرت وربنا كرمني.
قالت البيلي ” جاتلي حلقة مع أ / أشرف عبد الباقي في قهوة أشرف وكانت بداية الانطلاقة ، وقتها طلب مني يسمع أول قصيدة كتبتها ، وسمعته “انا مليت ” القصيدة اللي ربنا جعلها بداية أميرة البيلي وبداية ظهور اسمها ” .
إنجازاتها كترت أكتر واكتر قالت ” الحمد لله حفلاتي قدرت اخليها كومبليت في أول أيام الإعلان عنها وبقي يحضرها ألافات ، كان نفسى اعمل كتاب صغير واجتهدت لحد ما عملت كتابين الأكثر مبيعا في معرض القاهرة الدولي للكتاب وبيشاركوا في معرض أبو ظبي الدولي ، وعملت أكثر من ٣٥ لقاء تليفزيوني علي أكبر وأهم القنوات وبقيت في كل بيت مصري الحمد لله حمدا كثيرا وافضل علي الحلم الأكبر سلالم بسيطة وهي اني ابقي في محافل الشعراء في الوطن العربي باسم بلدي ” .
معقبة اخيرا و قالت ” جاية اقولك اوعي تيأس ما دام عايز تنجح وتحقق ، الضعيف بس اللي بييأس واحنا مبنحلمش بس احنا بنحقق ، علشان تحقق حلمك أفتكر الجملة دي وهتقول في يوم من الأيام الله يسميها بالخير أميرة البيلي أو يرحمها إذا كانت عايشة أو ميتة افتكر ” ان الله إذا وضع في قلبك حب الوصول الي شئ فلإنه يعلم أنك ستصل إليه تفائل فإن ما طلبته قريب ” .