كتبت:- ليلي إمام
تداول رواد مواقع التواصل الإجتماعي فيديو أثار جدلًا واسعًا للفنان “محمد التاجي” بعدما أدلى بتصريحات نارية، علق من خلالها على ردود أفعال المشاهدين وجمهور السوشيال ميديا، على تريندات الفترة الماضية، وخاصة فيما يتعلق بالفنانة “ياسمين عبدالعزيز”، والفنانة” شيرين عبدالوهاب”، والتي وصفها بالمغالاه.
حيث علق الفنان “محمد التاجي” على ردود أفعال رواد مواقع التواصل الإجتماعي بعد ظهور الفنانة “ياسمين عبدالعزيز” وزوجها الفنان “أحمد العوضي” على شاشة CBC ببرنامج “معكم منى الشاذلي”، قائلا:” أحمد العوضي عمل إيه عشان البنات يعيشو في محنة، إيه يعني أنه واقف جمبها، هو إحنا بنتجوز عشان نسيبهم ونقعد في حتة تانية”.
وتابع حديثه: “مش في عقد، يبقي غصب عنه لازم يقف جمب مراته، وهو لو جراله حاجة هي غصب عنها لازم تقف جمبه، أنا مش شايف أن في شذوذ في الموضوع، انتوا عاملين من الحبة قبة زي موضوع شرين كدة، لازم الراجل يقف جمب مراته في أى مِحن من محنها، وكل واحد بيشيل شيلته، لكن ياسمين هي اللي صعبت عليا، اللي اتعمل فيها، أنا مشوفتش لما كانت مع منى الشاذلي، لكن شوفت الـ7 شهور، ووائل أخوها صديقي حتى على الصفحة، وكنت ببعتلها دعمي عن طريقه يعني محبتش أعمل البروباجندا وأكتب أنا واقف جمبك والكلام اللي بيحصل دا”.
كذلك علق “التاجي” على ما قامت به الفنانة “شيرين عبدالوهاب” بإزالة شعرها بعد طلاقها، قائلا: “شيرين كانت مخططة تكسب تعاطف الجمهور، وأنا كتبت بوست النهارده وقولت ما أنا كمان أقرع وحطيت صورتي وصورتها مع بعض وبحلق زيرو، محدش دعمني، كل السوشيال ميديا كاتبين ادعموا شيرين.. كأن الست سقطت من منطقة عالية، الناس بتعمل من الحبة قبة، ماهي اتجوزت مرة واتنين”.
وأضاف: “أنا شوفت اللوك اللى هي عاملاه دا أول مرة في التمانينات في أمريكا، ومن الواضح أن دا برغبتها وهي اللي مخططة، فمنقولش إن شيرين ضحية، لا هي مش ضحية، انتى حرة تقلعي شعرك تخلعي شعرك أنتى حرة، وأنا بحبك وبحب صوتك جدًا.. مبعرفش الناس الملاوعة، ومعرفش اللون الرمادى، ومبعرفش أزوق الكلام”.