كتبت : شروق ياسر محمود.
فتح المطرب محمد شاهين النار على حمو بيكا بسبب خلاف بينهما ونشر شاهين تدوينة عبر حسابة الشخصى بموقع “ فيسبوك ”.
حيث كتب محمد شاهين: “أنا مش بتاع لايف وأتكلم بشكل رخيص على موضوع مهرجان مع حمو بيكا بس اللي عمله اسمه غدر وقلة قيمة”.
وتابع شاهين: “من فترة كلمني حمو بيكا في التليفون روحت وسجلنا تراك وبعديها بفترة لقيت بوستر نازل عند واحد من الناس اللي بتصمم البوسترات دي من غير ما أعرف كلمت حمو بيكا قولتله إزاي قالي أنا هنزل في العيد 6 أغاني”.
وأضاف: “بكلمه في حقوق الأغنية أقل حاجة في حقي يرد يقولي (أنا هاخد الحقوق كلها ) على أساس إن النجم المحترم هيعرفني بالناس على أساس إن النجم المحترم أنا شغال عنده”.
كما أكد شاهين: “رديت قولتله الكلام ده مش هينفع وقفلت معاه بعديها بعت لي مصمم البوستر وقالي إن الأغنية مش هتنزل أتفاجئ النهارده بنزولها بدون علمي على أساس ايه أنا هعرف أجيب حقي كويس بالقانون”.
وكانت صفحة مغنى المهرجانات حمو بيكا أعلنت عبر موقع “إنستجرام ” عن وفاة والدة زوجته ونشر علي الصفحة : “البقاء لله وحده.. توفيت إلى رحمة الله تعالى السيدة الفاضلة والدة زوجة حمو بيكا .. إنا لله وإنا إليه راجعون .