حوار : سارة إبراهيم.
تتشرف جريدة الجمهورية اليوم بإجراء حوار مع د/ عادل محروس دكتور القلب وأوعية دموية ، ماجستير القلب ، اخصائي القلب والقسطرة القلبية سيوضح لنا مرض واسع الانتشار لكن في نفس الوقت بيتشخص بيه مرضي كثير من غير أدله على وجوده المرض اسمه الحمى الروماتيزمية.
١- هل ( الحمي الروماتيزمية ) مرض يصيب القلب فقط ؟
الحمى الوماتيزمية ليس مرض بيصيب القلب فقط و لكن يصيب كل من القلب و المفاصل و الجلد و المخ.
٢- ما هى الحمي الروماتيزمية ؟ عباره عن مرض مناعي بيجي نتيجه رد فعل مبالغ فيه من الجسم تجاه بكتيريا معينة اسمها ( Group A.Bhemolytic Streptococcus )
٣- يعني ايه رد فعل او مناعي . يعني مع كل مره جهاز المناعة بيدخل يضرب البكتيريا دي بيكون فيه ضحايا من أعضاء الجسم ممكن مفاصل ‘ صمامات القلب ‘ او عضلة القلب ‘ او المخ ‘ او الجلد .
٤- ما هى أعراض الحمى الروماتيزمية؟
المرض ده رغم انتشاره الا انه غامض بشكل كبير في أعراضه اللي بيشتكي منها المريض ‘لذلك المنظمات الصحية وضعت خصائص وأعراض بنشوف كام واحد منها موجود عند المريض وبناءا عليه يتشخص
أولا الأعراض بتنقسم قسمين :-
القسم ( الأول) أعراض عالية التأثير وهما 5 أعراض :-
1- إلتهاب قلبي (Carditis) :- ودا بنشوفه عن طريق عمل ايكو علي القلب ويعتبر أخطر الأعراض .
2- إلتهاب المفاصل Arthritis :- إحمرار وتورم في المفاصل .
3- الترجمه الحرفيه ليها ( الرقاص) chorea المريض بيعمل حركات فجائية متكررة تشبه الرقص لكنها لا إراديه وبيكون نتيجة إصابة المخ بالحمي الروماتيزمية
4- دي اصابة جلدية علي شكل بقعة حمراء ليها حواف (erythema marginatum) وغالبا بتكون علي الظهر او البطن او الصدر
5- حبيبات تحت الجلد اللي بيغطي العظم زي الكوع و الركبة وبتكون غير مؤلمة(subcutaneous nodule).
القسم( الثاني )أعراض قليلة التأثير :- وهما 4 أعراض :-
١- آلام في المفاصل ولكن بدون إحمرار أو تورم ( arthralgia )
٢- إرتفاع درجة الحرارة أكثر من 38 درجه ( fever )
٣- تغير في رسم القلب ( Prolonged pr interval ) .
٥- كيف نعرف ان الشخص مصاب بالحمى الروماتيزمية؟
١- أول خطوة إثبات إن المريض عنده البكتيريا المسببه للمرض (Group A strept) اللي اسمها الميكروب السبحي عن طريق تحليل نسبة الميكروب السبحي ( ASOT) في الدم
٢- ثاني خطوة حصر الأعراض
لازم يكون عند المريض إثنين من الأعراض عالية التأثير أو 1 عالية التأثير و 2 قليلة التأثير
إذا توفرت الخطوتين في المريض بيكون إتشخص بالحمي الروماتيزمية
٦ – ما هو علاج مرض الحمي الروماتزمية؟
علاج الحمي الروماتيزمية بيتلخص في القضاء علي الميكروب السبحي المسبب للحمي الروماتزمية ودا عن طريق مضاد حيوي ( البنسلين طول المدي )
وعلاج المشكلة اللي سببتها الحمي الروماتزمية سواء كانت تصابت القلب أو المخ أو الجلد أوالمفاصل.
ومعاهم نضيف حاجه مضادة للالتهابات زي المسكنات الغير استيرويدية.
أهم نقطة إن بمجرد تأكيد الإصابة بالحمي الروماتيزمية هناخد بنسلين طويل المفعول كل 21 يوم ودا لمدة 5 سنوات أو حتي الوصول إلي 19 سنه ،و إذا أصابت صمامات القلب هيكون البنسلين مدي الحياة.