كتبت:- ليلى إمام
حل الفنان ” تامر حسني”، ضيفًا على برنامج معكم، الذي تقدمه الإعلامية “منى الشاذلي” على قناة cbc، وبدأ اللقاء بتقديم أغنية “حلو المكان”.
وقال “تامر حسني”:” في بداية السنة الجديدة أتمنى للجميع يحققوا أحلامهم، بحاول أفرح الجمهور في حفلاتي، مهما كان الموضوع مكلف ومجهد، وكمان لو حد شاف الحفلة من برة مصر يعرف إحنا وصلنا فين، وده أسلوبي في كل حفلاتي داخل وخارج مصر، لأني قررت أبقى مختلف”.
فيما تابع :”طول عمري بحلم أبقى فنان شامل، وأخدت جائزة من أمريكا لأني بكتب وبلحن وبغني وبخرج وبمثل، وكمان أنتجت بعض أعمالي، وببقى مستمتع وأنا بعمل شغلي، حتى في الأفراح، المفروض بنغني ساعة إلا ربع، لكن أنا ممكن أغني ساعتين طالما الناس مبسوطين”.
كما أشار :”الحاجات السلبية بسمعها كويس جدًا عشان أطور نفسي لأن أنا شغال عشان الجمهور، ومينفعش أعاند وأشوف بيتضايقوا من إيه واروح أعمله أو أصمم عليه”.
كذلك تحدث عن الأمور التي غيّرها في نفسه بناء على رأي الجمهور، قائلا :” أول ما طلعت كنت بفتح القميص أوي ومتأثر بأحمد رمزي، ناس قالت لي بلاش عشان ولادنا بيعملوا زيك فبطلتها، وغيّرت الموضوع”.