مصطفي سالم: أحمد العوضي رشحني لدور حمزة في “اللي ملوش كبير”

كتبت: مريم حسن خليفة

أعرب الفنان مصطفي سالم عن سعادته بردود الأفعال عن شخصية حمزة التي قام بادؤاها ضمن أحداث المسلسل الرمضاني ” اللي ملوش كبير ” مشيرًا إلى أن أحمد العوضي هو من رشحه لهذا الدور.

وقال مصطفي سالم: ” في البداية حابب أشكر أحمد العوضي لان هو اللي رشحني للدور وقالهم عايز مصطفي سالم في دور حمزة ووقف جنبي كتير في التصوير “.

وتابع  ” أنا مخضوض لحد دلوقتي من ردود الأفعال خاصة أن حمزة لسه مظهرش أوي ومحصلتش الحاجة الكبيرة اللي تخلي الناس تكون مركزة كده مع الدور مكنتش اتخيل ان الدور يسمع للدرجة دي الناس في الشارع بتناديني بأسم حمزة وطول الوقت بتجيلي رسايل على حسابي الشخصي بتشيد بالدور ومعجبين جدا بالشخصية “.

وقال عن اختياره لدور حمزة: ” الموضوع كان صعب في الأول لأن اول مرة أعمل الدور ده بكل تفاصيله واتفرجت على لقاء للعوضي مع أمير كرارة بيتكلم عن شخصية بروسلي اللي قدمها في” كلبش 3 ” وصرح خلال اللقاء انه عمل معايشة مع بلطجي وخد منه للشخصية اللي بيعملها فعملت نفس اللي العوضي عمله وفي محامي صديقي عرفني على بلطجي وفضلت قاعد معاه فترة خدت كل حاجة من طريقته، طريقة كلامه طريقة اكله وشربه ومشيته ولبسه والسلاسل والخواتم الكتير لغاية ما اتقنت الشخصية كويس جدا “.

ولاقي دور حمزة الذي يقدمه مصطفي سالم لاقي نجاح كبير من قبل الجمهور والنقاد.

مسلسل” اللي مالوش كبير “، تأليف عمرو محمود ياسين، وإخراج مصطفى فكرى، وإنتاج شركة سينرجى، وبطولة ياسمين عبدالعزيز وأحمد العوضى، وخالد الصاوى، وأحمد سعيد عبدالغنى، ودنيا عبدالعزيز، ومحمود حافظ، وإيمان السيد، وبدرية طلبة وعايدة رياض وفتوح أحمد وأحمد الرافعى وأحمد عبدالله محمود، ومحمود ياسين «جونيور» وهدى الإتربى، وتدور أحداثه في إطار اجتماعى أكشن.