حملة ضد بيومي فؤاد
قامت حملة ضد الفنان بيومي فؤاد أمس بسبب كلمته على مسرح الرياض من مسرحية ” زواج اصطناعي” الذي اعتبرها الجمهور ردا على الفنان محمد سلام .
حيث قال “من حقك تعتذر عن المسرحية، بس مش من حقك إنك تغلط في فنك، إحنا ما بنجيش علشان نضحك حضراتكم، إحنا بنقدم فن، فن مصري، وأنتم بتحترمونا وإحنا بنحترمكم جدا”.
وتابع: “شيء عظيم إن الفنان يكون له جمهور في كل الدول، شيء عظيم إني أتصور مع شاب سعودي، وأتصور مع سيدة سعودية وهي تعلم إني مصري، أنا بشرف بلدي، وهنا هحاول أخفف على رجل أنقذ موقف وكان رجل قدها اسمه محمد أنور “.
وختم بيومي فؤاد كلامه: “أنا فنان مصري ولي الشرف، جيت المملكة العربية السعودية ولي الشرف، كتر خيركم، إحنا بنتعب ونشقى علشان نقدم فن، ولو الموضوع كده، يبقي فيه فنانين من أيام نجيب الريحاني لحد محمد أنور المفروض ينتحروا، إحنا بنقدم فن”.
تلقي الجمهور هذه الرساله بغضب شديد حيث تم التعليق من خلالهم ” للأسف يا جماعة إحنا طلعنا ظالمين استاذ بيومي..
بيومي مطلعش يغلط في محمد سلام إللي هو المفروض صديق كبير ليه في الشغل والحياة الشخصية على حسب كلامه، وكان من أهم أسباب شهرة بيومي بس لا.. بيومي طلع قلل منه وقلل مننا كلنا كمصريين وقال كلمتين كان ممكن عادي يخلص المسرحية ويشكر الجمهور وينهي على كده من غيرهم، بس هو حب يعمل نمرة قدام اسياده عشان يعرفهم هو قد ايه وفي ليهم، عشان يضمن يجيبوه بعد كده في اي سبوبة.
بيومي مفيش لقاء ليه إلا وبيطلع يقول أنا مابيهمنيش الفلوس، مع ذلك مفيش عمل ليه، إلا وطلع هزر فيه على إنه بيروح أي حاجة تجيله عشان يعمل قرشين وخلاص.. ومع ذلك بيقولك أنا جاي موسم الرياظ عشان أقدم فن مش عشان اضحكم زي ما محمد سلام بيقول!
بيومي إللي لو إتعرض عليه دور شطافة حمام، هيعمله عشان يطلع بقرشين، بيزايد على صديقه وبيقلل منه قدام الغريب عشان يطلع بقرشين زيادة، فمكنش غريب عليه لما يقول إنه ليه الشرف إنه يقف يتصور مع اي واحد س3 ودي في الشارع! مكنش غريب عليه إنه يقول ليه الشرف يمثل في البلد اللي كانت من سنتين تلاتة بتقول على تمثيله دا بدعة وتدخله الn ار، وإنه من أحفاد الرقاصات عادي!
ومكنش غريب عليه بردو يشكر ويمدح في الواد إللي جه محمد سلام، ويقول إنه فنان أكتر أو احسن من سلام عشان هو جه في اخر لحظة والتاني مجاش! هو طالما بيعت صاحبك إللي كلت معاه عيش وملح وسبب في نجاحك، طبيعي تبيع بلدك وتشتري شوال الرز.
منظرك إيه قدام ولادك وقرايبك ومعارفك وانت بتعيط قدامهم عشان الفلوس!
دا بيدفعولكم ملايين عشان تيجوا لإنهم عارفين إنهم محتاجينكم.. انتو اللي بتعملولهم موسم الرياظ دا، مش هما اللي بيعملوه.. يعني من غيركم هما ولا حاجة، فتقلوا من نفسكم كده وتعلقوا لجام في بؤكم! وانت واحد بيعمله ٥ ولا ٦ اعمال في السنة، عايز فلوس أكتر من كده إيه عشان تقل من نفسك! ملـ3 ون الطمع والفلوس إللي تخليكم تعملوا في نفسكم كده! ” .