كتبت/ إسراء عادل
الكتابة شئ عظيم فهي تعبر عن ما بداخلنا من أفكار ومشاعر فالكاتب شخص لديه خيال ورؤية واسعة تساعده علي الكتابة والتعبير عن ما بداخله من أفكار جديدة ، ويعبر عن ما في داخل الجمهور من معتقدات وأفكار ويخاطبهم بما يدور في ذهنهم ، فكتاباته تنير العقول وتوسع الآفاق.
وجري الحوار مع الكاتب / عمرو جادو ، كاتب رعب وفانتزيا ولديه العديد من الروايات الشيقة لقرأتها.
حضرتك كاتب رعب وفانتزيا أو دمج بين الإثنين هل بتحب تكتب في أي نوع آخر؟!
• اه ، بحب اكتب في الخيال العلمي والتاريخ وأحيانا بوليسي .
ومن المعروف إن كل كاتب ليه أعمال عظيمة ولها قصة مثيرة .
أعمالك السابقة زي عهود الهلاك و ميرماروسيا ايه الفرق بينها وبين عودة سالازار ؟!
▪عهود الهلاك و ميرماروسيا روايتان رعب ؛ ميرماروسيا عبارة عن قصص رعب حقيقية أما عهود الهلاك رواية رعب اجتماعي ، عودة سالازار فانتزيا وفيها بعض من التاريخ .
بالاضافة إلى إن كل كاتب له جمهور يحبه ويشجعه ، و علي الصعيد الآخر جمهور ينتقده .
هل مجموعة قصص و مقالات عالم جوف الأرض ساعدتك في تكوين الجمهور ؟!
▪ بالنسبالي اه ، لأني غيرت النمط الي كنت بكتبه زمان كنت بكتب مقالات علمية والمتابعين مبيركزوش مع العلمي ؛ ولكن عالم جوف الأرض مجموعة قصص حدثت بالفعل أو مقالات حقيقية موجودة.
كل واحد فينا عنده موهبة بالرغم من تخصصه .
بما إن حضرتك مهندس وده شئ منفصل تماما عن الكتابة ايه اللي خلاك تدخل مجال الكتابة ؟!
▪ الهندسة أو شغلي في الموقع مش هي الي تعطلني عن الموهبة ، زمان وأنا صغير جدتي كانت بتحكيلي قصص وحكايات لأنها كانت من الأرياف فخيالهم كان واسع ، ووالدتي كانت تحكيلي قصص قبل النوم ، ولأني مكنش عندي أصدقاءكثير واغلب الوقت بلعب لوحدي كنت بقعد أسرد قصص من خيالي وكأن وحش بيطاردني أو أنا أطارد الحرامي.
كل كاتب بيواجه نقد علي أعماله.
واجهت نقد غير مقبول قبل كده وكان ردك عليه أيه ؟!
▪ كان كوميدي ، كنت كاتب مشهد من ميرماروسيا بداية المعركة إلي هو سبب وجود ميرمروسيا في الدنيا ، واحد كاتبلي كومنت بيقولي “انته ازاي دمجت العامية مع الفصحي” مع انه لو حاول يقرأ هيكتشف إن الحوار مكتوب بالعامية أصلا ولكن تميل للفصحي ، رد وقالي ” انته محدش بقي فاهملك حاجة ولا انته بتعمل أي ، رديت عليه ” أنا مستعد اديلك نسخه هدية من الرواية واقرأها وقيم بعدها لكن تقييمك لمشهد واحد شئ غير صحيح ” .
بالنسبة لسالازار واحدة في جروبات ” بوتر هيد” ، قالت ” انت ازاي تتكلم عن سالازار مش من حقك ” ،
جادو: ” لا من حقي اتكلم والرواية في الأصل مش هادفة للربح ” ،
قالت ” انت اصلا مش بتعرف تكتب ” ،
جادو : ” طيب ممكن تقرأي الأول وبعدين تقييمي ” ،
قالت ” خسارة الورق إلي تقطع من الشجرة عشان بتعمل ورق بتكتب عليه عملك ” ،
جادو : ” أنا موافق ، هخلي صاحب الدار بعد كده يكتبلنا علي جلد ماعز شبه زمان ” .
كل واحد فينا ليه كاتب مفضل ومثله الأعلي في الكتابة .
مين مثلك الاعلي في الكتابة أو قدوتك اللي بتخليك تكمل ؟!
في الخيال العلمي / أ . نبيل فاروق
في الرعب / لافكرافت ، وبيعجبني انه دايما بيفكر بره الصندوق.
في التاريخ/ سليم حسن .
عملك القادم هيبقي مع مؤسسة سطوع ؟!
وهيبقي تكملة السلسلة ولا عمل منفصل ؟!
▪ هنجمع عالم جوف الأرض و عهود الهلاك وهيندمجوا في كتاب واحد تحت مسمي ” عالم جوف الأرض ” هنحوله لقصص واقعية مع دار سطوع .