أبرز تصريحات شيرين عبدالوهاب عن طليقها حسام حبيب
كتبت: ندى الهلباوى
فجرت الفنانة شيرين عبد الوهاب عدة تصريحات نارية ضد طليقها حسام حبيب عبر مداخلة هاتفية مساء يوم الثلاثاء مع الإعلامية لميس الحديدي ببرنامجها «كلمة أخيرة» المذاع على قناة on.
وقالت المطربة شيرين مشيرة بالكلام طليقها حسام حبيب : “انا كذبت عشان أخلى صورته تبقى كويسة”، واستكملت كلامها: “حسام ضربني وسحلني على الأرض وهو اللي حلق لي شعرى، وأنا عاوزة حقي منه”،
مضيفة: “انا بنت أصول وكنت عاوزة أرفع صورة إنسان ممكن يروح في يوم من الأيام يتجوز من عيلة تانية، ولو كنت قلت كلام وحش وقتها مكانش هيعرف يتجوز، وأنا نفسى يتجوز ويبعد عني».
فتابعت شيرين : “عايشة مع زوج مش بيشتغل تقريبًا، ولا بيخرج ولا بيشوف أهله ولا أصحابه وكل همه حب الامتلاك، وكنت محبوسة 24 ساعة في أوضة نومي مش بعمل حاجة، قاعدة بس، أنا كنت عايشة زي الفئران في المصيدة”.
حيث اتهمت شيرين حسام حبيب بسرقة سياراتها، قائلة: «حسام حبيب سرق العربية من قدام البيت مستغلا تواجدي في الساحل، وكنت متكفلة بمصاريف بيته الثاني”
واستكملت حديثها : “أنا اتجوز قرد وما أرجعش ليه تاني”، مؤكدة “انا أستاهل الضرب عشان طلعت قولت مابيخدش مني فلوس أنا آسفة للناس عشان كدبت عليهم، وهتعب عشان أرجع تاني شيرين اللي ضيعتها”.
كما اتهمت شيرين عبد الوهاب طليقها حسام حبيب، بحمل السلاح وتهديدها هي وبناتها ، قائلة: ” عيالي كانوا هينضربوا بالرصاص، قبلها بيومين قاعدين في الأوضة، طلع من الدرج علبة فيها رصاص، وراح مديني رصاصة وقال لي خدي دي منى هدية، والحمد لله إني لسه عايشة”.
وأضافت: ” اللي حصل بعد ما هديت من الكارثة حسيت إن أنا مش قادرة أستغنى عنه وأديله فرصة تانية، ورجعت فقولنا ندي فرصة تاني بشروط، وبناتي في بيت تاني ونشتغل، إلا أن الوعود ابتدت تتلاشى والمشاكل رجعت مرة أخرى، كل خناقة تحصل ما بينا يحرق دمي لحد ما أمسك المكنة وأحلق شعري”.
خلال المداخلة لم تتحدث شيرين عبد الوهاب فقط عن حسام حبيب، بل أيضا أساءت بشكل غير مقصود للموسيقار الراحل حسن أبو السعود.
حيث قالت: «أنا ما أدمنتش الأدوية زى ما أبوه بيقول.. ولو كنت أدمنت الأدوية وتعبت وتخنت.. فده عشان حياتي معاه.. أنا كنت زى البدر، ولما عاشرته، بقيت شبه حسن أبو السعود”.
الجدير بالذكر أن أسرة الموسيقار الراحل حسن أبو السعود أصدرت بيانا للرد على تصريحات شيرين عبد الوهاب، مع الإعلامية لميس الحديدي.