كتبت / إسراء عادل
وجهت الفنانة سمية الخشاب، بعض من النصائح والرسائل للطلاب بالمراحل التعليمية المختلفة ” من الثانوية العامة الي الجامعات ” ،قائلة: إن النجاح الحقيقي لا يأتي بالدرجات المستحقة لدخول احدي كليات القمة ، حيث أن الشخص الذي يعمل ما يحبه سوف يصل الي القمة الحقيقة.
ووجهت الخشاب أيضا رسالة لطلاب كلية حقوق عبر ” تويتر” : ” حبايبي اللي في حقوق ، القانون المدني والقانون الدولي دول احفظهم كويس عشان بيلخبطوا، تاريخ القانون المصري مش صعب اوي هو وسكاشن مدني هتعرفوا تسلكوا فيهم وبدعيلكم”.
وأضافت ” حبايبي بتوع صيدلة احفظوا الكلام بحاجات مشابهه يعني مثلا ELISA ده افتكروا ملكة الاحساس ، ووال CBC مثلا ممكن سفرة وممكن العاديه وال DHEA افتكروا سكينه وهي بتقول روح جاتك داهيه ” ، متابعا ” وبالنسبة لحبايبي اللي في هندسة انا مش ملمة بهندسة اوي بس ذاكروا ماشيينز كويس عشان عارفه انها اصعب من كلمه ( بشمهندس)”.
وتابعت : ” أنا لو مسكت التعليم هلغيلكم الفاينلز دي وهخلي النجاح كله بأعمال السنه عشان عايزاكم فريش كدا مش stressed ” .
كما وجهت أيضا رسالة لطلاب الثانوية العامة قائلة: حبايبي اللي في ثانوية عامة ، محدش يجي علي نفسه خالص صحتكم بالدنيا ومش نهاية العالم ومتخلوش اي حد يأثر عليكوا بالسلب وتقدروا تثبتوا نفسكوا فاي مجال أو كلية مش شرط المسمي القديم بتاع كليات القمة ده مفيش قمه ، اللي هيشتغل ويحب اللي بيعمله هيبقي في القمة ” .
مضيفه ” اعملوا بس اللي عليكم وبلاش مقارنات خالص كل انسان له مجاله اللي هيقدر يبدع فيه بلاش كلنا نتارجت حاجة معندناش شغف ليها وبالتالى نعيش تعبانين باقي حياتنا” .