كتبت: سماح مصطفى
إنتقدت الفنانة حلا شيحة الفنان تامر حسني وهاجمته بسبب نزول الكليب في هذه الأيام المباركة.
حيث نشرت صورة على صفحتها الخاصة على إنستجرام، قائلة: “تفاجأت بنزول الكليب في أيام ذي الحجة المباركة، إحنا يمكن نجحنا بمقاييس الدنيا بس صدقوني بمقاييس ربنا إحنا لم ولن ننجح.. أنا عارفة ومتأكدة أن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح”.
كما أضافت: “أنا تبت من المشاهد دي وهي لا تصح وأنا غلطت وبصلح وأهم حاجة أن ربنا يرضى عني لأن في الآخر ده اللي هينفعنا مش الشهرة ولا النجاح، الكليب ده ميرضيش ربنا وأنا عيطت لإني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط، الفن لو بيخلينا نبعد عن منهج ربنا ومنبقاش قدوة لأولادنا يبقى باطل وميبقاش فن”.
بينما وجهت رسالة لتامر، فقالت: “حابة أفكرك بالفيديو ده يا تامر اللي قلت فيه أنا مش بتمنى أموت وأنا مطرب أنا دايمًا خايف من كده.. كلام أكيد قلته في لحظة صدق جواك.. شوفه تاني يمكن يفكرك أن جواك أكيد في صراع”.
والجدير بالذكر أن فيلم “مش أنا” يعد من بطولة: تامر حسني، حلا شيحة، ماجد الكدواني، وسوسن بدر، وعدد آخر من الفنانين، وهو قصة وسيناريو وحوار تامر حسني، وإخراج سارة وفيق.