شيرين عبدالوهاب: “حسام زوجي من أنضف رجالة الدنيا”.

كتبت: مريم حسن خليفة

ردت الفنانة “شيرين عبد الوهاب” على التسريبات التى نشرتها إحدى الصحف اللبنانية لوالد زوجها الفنان “حسام حبيب”، وهو يتحدث عن حياة نجله الشخصية.

حيث نشرت الجزء الأول من ردها الصوتي على الأزمة التي واجهتها عبر حسابها الرسمي على موقع” تويتر” قائلة: “عاوزه أطمن كل الناس على صحتي أنا كويسة وحسام زوجي إنسان من أنضف رجالة الدنيا ومتربي وبيحبني أكتر من نفسه وميستهلش منكوا كم القساوة دي عشان أنتوا متعرفهوش، هو بنالي شخصيتى ورجعلي ثقتي بنفسي حسام بيحبني أنا وبناتي ومن ساعة متجوزني معملش أي حاجة، الست حماتى اللي ربت راجل ست عظيمة وأدعو ليا أنا وحسام بالذرية الصالحة وحسام نقي ونظيف”.

بينما أضافت في الجزء الثاني من ردها الصوتي: ” حسام راجل مفيش منه، والناس اللي زيه بقوا مش موجودين في حياتنا خلاص، وبالعقل احنا بقالنا 4 سنين متجوزين ولو كان فعلًا راجل عايز يستفيد مني، كان عمل ولو حتى غنوة سينجل لنفسه.

وتابعت: “كل الناس بتتخانق وبتختلف عادي جدًا، لكن الأكيد إنه بيحبني أكثر من نفسه، انا ربنا مديني مؤشر وقلب وانا حاسة إنه بيحبني وحاسة معاه بالآمان، ولم يضرني في شيء، كفاية إنه طلع من حياتي كل الناس اللي كانت بتستغلني، وطرد كل التعابين اللي كانت في حياتي”.