كتبت: منار عزالدين
ردت الإعلامية ياسمين عز، على هجوم الفنانة مايان السيد عليها، على هامش المؤتمر الصحفي لفيلم «هاشتاج جوزني».
أدلت الفنانة “مايان السيد” بتصريحات خلال عدد من اللقاءات الإعلامية، وردت “مايان السيد” على سؤال أحد الصحفيين بالمؤتمر الصحفي عن رأيها في تصريحات ياسمين عز قائلة:” مش هتكلم عن ياسمين عز مش هساعدها تتشهر”.
في المقابل، ردت الإعلامية “ياسمين عز” على هجوم الفنانة “مايان السيد” عليها خلال برنامجها “كلام الناس” المعروض عبر فضائية “MBC مصر”.
قائله: في مثل أنا بعمل بيه، وهو من دق الباب لقي الجواب، يعني اللي يخبط على حد هيلاقي رد، من وجهة نظري الرد 3 أنواع، رد بالتجاهل، ورد بقلة الأدب، ورد بالأدب”.
أضافت: “أنا هختار الرد بالأدب، لأني مبحبش قلة الأدب مع إن مفيش أسهل من قلة الأدب، ولأني اللي بقوله وبطبقه على غيري لازم أطبقه على نفسي أولًا”.
كما تابعت ياسمين عز: “لما تكوني لسه مبتدأة في بداية حياتك المهنية، ولسه بيكتبوا اسمك بالقلم الرصاص، حاولي متخوضيش معارك مجانية، متخلقيش لنفسك أعداء بدون داعي وببلاش، مش ذنبي إن الصحفي ملقاش عندك تاريخ أو حاجة مهمة يسألك عنها فسألك عني، بدل ما تكلمي عني، كنت طلبتي بكل احترام وتهذيب إن الناس تسألك عنك إنتي وعن شغلك إنتي”.
أكملت: “إنتي بنت ظريفة، حاولي إنك تشتغلي على نفسك أكتر وتعملي أدوار مهمة وتصنعي تاريخ مهم تخلي الصحافة المرة الجاية تسألك عنك مش عني أنا، إحنا مش ملزمين إننا نحب بعض بس مجبورين نحترم بعض.
اضافت: احمدي ربنا إنه وقعك فيا المرة دي، أنا نادرًا لما برد، مرة تانية ممكن تقعي مع حد تاني يستلمك ليل نهار مش هتخلصي منه، وتأكدي إن الإنسان لازم يشتغل بجد عشان يكون مهم، ولما يكون مهم هيسألوه عن نفسه هو مش ناس تانيين”.