كتبت: أشرقت محمد
نشر النجم تامر حسني منذ يومين بوست عبر حسابه علي مواقع التواصل الإجتماعي، قائلا فيه: حبايب قلبي في حب ربنا وحبكم
إن شاء الله كل كام يوم هاجي على بالليل كدا نتناقش في موضوع من خلال مشواري و تجربتي في الحياه، جايز تستفيدوا منه حاجه و جايز يكون في كتير منكوا هيكون كلامي بمثابة إشاره تشجعهم كانوا مستنيينها.
وأكمل: أنه من خلال خبرتي النجاح بيقوي و يجعل كل من حولك يهتم بك، والعكس صحيح وأعني بالنجاح النجاح الإنساني في علاقاتك بربنا و الناس، النجاح المهني وتحقيق ذاتك و طموحك و تحديك لكل الصعاب و تخطيك لكل محنك زي ما عملوا كتير قبلك، و ظروفهم كانت أصعب منك و وصلوا لأكبر من أحلامهم.
ومن بعدها بدأ تامر يقرأ معظم التعليقات علي ذلك البوست، وأدرك معظم الأشياء منها أن ” اليأس من النجاح، وإحباط المقربين للجمهوره، وفقد الآمل، والشغف، وفقد الآمل في الحياة نفسها.
حيث بدأت يحكي قصة كفاحه من خلال السوشيال ميديا، قائلا: “في بدايتي و ظروفي الصعبه من غير أب و منغير أي فلوس و بنزل أشتغل في الشوارع من عامل بنزينه لسوبر ماركت لفاعل يعني اللي بيبنوا العمارات بطلع طوب و أسمنت عشان ارجع بيتي لأمي الغلبانه بأي خمسه جنيه بالإضافه لمرتب النادي لما كنت بلعب كوره كان مرتبي 22جنيه في الشهر منهم بقى تحويشة المايه و الكهرباء و عمليات أخويا عشان كان عيان لفتره كبيره كنت بعمل المستحيل فعلاً عشان أمي و أخويا و عشان أوصل لهدفي”.
وتابع كلامه: “كان جوايا سعي دائم لطريقين الكوره و الغناء و بقول دا عشان ناس كتير عايز أنصحها بالخطه البديله عشان لو الحلم مجاش يكون في غيره زي ما أنا كان نفسي ابقى لاعب كوره و الكوره مش ليا و الأندية كلها مشوني رغم تفوقي كنت بسأل نفسي ليه الأبواب كلها بتتقفل في وشي اتاريها بتتقفل عشان توجهني لمسار آخر.
وأضاف تامر أن لما آمانت بكده فهمت قدام أن ربنا كان شايلي الأحسن ليا بس ساعتها مكنتش فاهم، واللي بيسأل نفسه دلوقتي يعني آنا أكمل في حلمي ولا أشوف حلم تاني هقوله دايماً أطلب من ربنا يساعدك هتلاقي علامات بتجيلك بس الشاطر اللي يفهمها ، علامات هتأكدلك تكمل أو لا بس أجتهد و أتعب عشان المجهود دا ليه كرم متحوشلك في مجالك التاني في أوعى تقول تعبت علي الفاضي ، و بالنسبه للمحبطين هيفضلوا موجودين أنت اللي بتسمعلهم.
وأكد النجم تامر أنت اللي بتسمح إنك تتأثر بيهم أمنع دا فوراً متبقاش السبب في أذية نفسك متتشدش غير لكل جميل و لكل إيجابي هتلاقي كل الحلو بيجيلك، و متعملش العكس عشان هيجيلك برضو.
وأختم كلامه قائلا: “بقولك أنت السبب دايماً قول يارب و أجتهد و أفهم أن الراحه المطلقه في الجنه بس و أحنا على الارض و ربنا قال إنه خلقنا في كبد يعني شقاء عشان يكون عندنا تحدي نكسبه ولازم نكسبه عشان كتير قبلينا كانت ظروفهم أصعب و وصلوا يبقى الموضوع فينا ، متبقاش اكبر عدو لنفسك ، أنت السبب ، خد قرار صارم فوراً في التغير و النهوض و النجاح ، والله هتوصل متسمعش غير لقلبك و سلم قلبك للّي خلقه و توكل على الله”.