كتبت: ليلى إمام
فتح نديم نجل الفنان حميد الشاعر النار على الموسيقار المصري حلمي بكر، وهدده، بعد أن صرح والده قبل أيام أن الأخير كان يهاجمه بطريقة صعبة لمدة 10 سنوات.
وقال نجل حميد الشاعري في رسالته عبر فيسبوك: “أستاذ حلمي لو محتاج مساعدة ماديا أو نفسيا الكابو مش حيتاخر عليك، لكن ما ينفعش كل ما تتزنق تروح برنامج تجيب سيرة حميد الشاعري اللي للأسف تاريخك ميجيش تمن تاريخه ولا فنيا ولا أخلاقيا للأسف”.
مضيفًا: ” 30 سنة من عمري ما بيعملش حاجة في حياته غير التقليل من الناس ومن الفنانين ومن أعمالهم”.
وتابع نديم حميد الشاعر: “أوعى حضرتك تفتكر إنك محطوط في خانة الإنسان المحنك، لا للأسف إنت عبرة لكل نفسية فاسدة منتهية الصلاحية فنيا وأخلاقيا.
كما أكمل:” فرق التربية كبير أوي بينك وبين الكابو حتى في الفكر الموسيقي والمعاملة مع الناس. الكابو كبير مقامة ومش بيرد عليك عشان هو أكبر من كده وأكبر منك بالذات ودايما بيقولي ما تردش على حد. لكن ولاده كبروا ومش حيسمحوا إنك تقطع في أبوهم”.
ووجه نديم تساؤلا باستغراب إلى حلمي بكر قال فيه: “هو حضرتك بجد فاكر إن حميد هو اللي بوظ المزيكا فى مصر؟.. المقسوم اللي حضرتك بتتكلم عليه هو الواكل بقاله 30 سنة مع كل الفنانين وهو سر الاستمرارية والنجاح، مفيش البوم بينزل غير ومقسوم الكابو رانن في الودن”.
وواصل انتقاده للموسيقار المصري بالقول: “لما مذيع صابغ شعره ابيض وفي اللفة يسألك سؤال زي ده، المفروض ردك يبقى تربوي قبل الفني انه إزاي يسأل السؤال بالطريقة دي لكن حضرتك كنت حتطير من الفرحة عشان السؤال في تقليل للكابو”.
واختتم نديم رسالته: “حاول يا استاذ حلمي تكسب الناس عشان الدنيا فانية. متبقاش خسران السيرة الطيبة وكمان الناس”.