كتبت: أمل عاطف
نشرت الفنانة “رنا سماحه” عبر حسابها الشخصي بموقع “الفيس بوك” خبر وفاة طفلين شقيقين من عائلتها، اثر حادث أليم، تسبب في انتهاء حياة الطفلين ونقل والدهما إلي العناية المركزة.
وقالت فيه:: اللهم اجرنا في مصيبتنا انا لله وانا اليه راجعون.. حبيبتي أَهِلّه كريم محمد سماحة ٧ سنوات ملاك في الجنة.. واخوها حمزه ٣ سنوات ملاك في الجنة الاثنين راحوا.. ووالدهم ابن عمي كريم محمد سماحة في العناية المركزة إثر حادث.. حكمتك يا رب لطفك صبرنا يا الله.
حيث نشرت منذ ساعات ماضية، صو تجمع الأطفال مع والدهما، وعلقت فوقها “عصافير الجنه آهّلَهّ وحمزه ربنا ينجيك يا كريم ويقومك بالسلامة ونهت بلطفك يارب”
وقد شاركت مؤخرا عن رأيها فيما يتعلق بحادثة وفاة فتاه المنصورة “نيرة” قائلا:: بجد هو حتى الحوادث واخبار القتل بقى فيها ترند،
يعني حصل حادث وقضية في الرأي العام،
ف التوجه كله يبقى على نفس النوع من الاخبار؟!!!!
ايعقل؟؟؟؟
الجريمه موجوده في كل العالم يومياً زمان كان في صفحه كامله، اسمها صفحة الحوادث يومياً كانت بتتملي اخبار بشعه
السوشيال ميديا طبعاً ساعدت في انتشار وبقينا مش بس بنقرا لا كمان بنشوف،
وربنا يلطف بينا وباخواتنا وولادنا،
بس كفايه بروزه للجرايم ارجوكم
كفايه نشر وشير وشير كل يوم
وراعوا ان مش كلنا اسوياء نفسياً حتى السوي نفسياً بيتعب
وايوه في ناس ممكن تتأثر بالاخبار دي ومن غير وعي تقلد
الدنيا مليانه اخبار تانيه
مقولناش متنقلوش الحقايق ولا طلبنا تسطيح اخباركم،
بس في حاجات كتيره تتناولونا وتتكلموا عنها
راعوا ربنا في الناس
ولا لازم يطلعلكم ترند جديد.