الفنانة سهيله محمد علي  الحاصلة على المركز الأول فى مسابقة “الموهبة و الابداع” لعام 2022  

كتبت : نورهان عبدالظاهر

الفنانة سهيله محمد علي  الحاصلة على المركز الأول علي مستوى جامعة القاهرة فى  مسابقة الموهبة و الابداع لعام 2022 .

قالت فى حوار صحفى مع جريدة الجمهورية اليوم : أنها طالبة بالفرقة الرابعة فى كلية الأداب جامعة القاهرة، واكتشفت موهبتها فى سن صغير و أصبح الرسم أساسي فى حياتها . و فى المرحلة الإعدادية تعلمت رسم شخصيات كرتونية من “اليوتيوب” ثم اتجهت لرسم ” البورتريهات” . و لم تتجه للكورسات او الورش التعليمية بل صنعت نفسها بنفسها ” بقيت اجرب و ابتكر بنفسي حاجات جديدة ف كنت بنمي الموهبة من خلال اني اجرب كل يوم حاجة جديدة لكن عمري ما أخدت كورسات ف علمت نفسي بنفسي”   .

كان الدعم الأكبر تتلقاه من والديها و علقت قائلة : ”  ماما عمرها ما بطلت تدعمني و تقولي انتي اللي هتعلميني بعد كده ف انا قررت اعتمد علي نفسي و دي كانت اول خطوة في الطريق ، و  بابا كمان كان بيوفرلي اي خامات بطلبها و الحقيقة اختي التوأم دايما كانت و ما زالت بتشجعني دايما” . و كذلك أصدقائها و كل من تقع عينيه على موهبتها المميزة .

و عن لوحاتها أضافت الفنانة انها تكون ” عبارة عن فكرة في دماغي او رسالة معينة ، بعد كده بختار العناصر اللي بتعبر عنها و اعمل “تكوين في اسكتش” و اختارله الوان مناسبة تحرك المشاعر حسب مود اللوحة ، و بستعين ببعض العناصر من صور أخري  عشان احافظ علي واقعية الصورة و بضيف عناصر قليلة من الخيال ، بحب استخدم رموز من النباتات و الحيوانات و الطبيعة طبعا لان كل حاجة من دول بيكون ليها معني و بالتالي دور في توصيل الفكرة ”

أشارت الفنانة سهيلة انها ترغب ان يشارك فنها فى تغيير المجتمع للأفضل و ألا تقتصر موهبتها على الرسم فقط و لذلك تختار مواضيع تنشر الأمل و الحب بين الأفراد . و بالفعل شاركت فى اول معرض  لها و كان المعرض العام للفنون التشكيلة فى المرحلة الإعدادية وكان علي مستوي المحافظة . و بعدها شاركت في مسابقة لمحات من الهند وحصلت على المركز الاول علي الجمهورية في المرحلة الثانوية. و في المرحلة الجامعية دخلت مسابقة ابداع الموسم العاشر 2022 و تأهلت للنهائيات و لوحتها كانت من افضل 6 لوح علي مستوي جامعات مصر. و شاركت في جامعة القاهرة بـ مسابقة الموهبة و الابداع و حصلت على المركز الأول علي مستوى الجامعة 2022 ، كما شاركت بلوحة في معرض الوزير الاسبق فاروق حسني 2022 .

صرحت الفنانة ان لوحاتها ليست مجرد لوحات  و لكنها رسالة للمجتمع و للشباب ، رسالة ان الخير و الأمل دائمًا موجودين. و أشارت ان دراستها فى قسم اللغة الأنجليزية بكلية الأداب ليست عقبة لموهبتها بل ان القسم ساعدها فى التعرف على ثقافات و عناصر أخرى و ان مستقبلها يتضمن موهبتها و اللغة معًا .

و فى النهاية ختمت الفنانة كلامها قائلة :”  نفسي لوحي تلف العالم و تقدر انها تساعد حد يكون أحسن زي ما ساعدتني اعدي فترات صعبة كتير في حياتي ”