كتبت: مريم حسن
وجه النجم “محمد هنيدي” نصيحة إلى متابعيه عن النجاح، وتحدث معهم بجدية ليكشف لهم عن وجة نظره عن معنى النجاح.
وكتب عبر حسابه على موقع “الفيسبوك”:” نتكلم جد ماتخليش حد يحطلك مقياس للنجاح في حياتك.. النجاح ممكن يكون بمجموع كبير في كلية وممكن تعمله من غير المجموع ده برده، النجاح مش بالفلوس، ولا بصور إنستجرام اللي ظاهر فيها إنك سعيد وبتصيف كل أسبوع في مكان شكل، ولا إنك عندك فولورز أو قناة يوتيوب كبيرة”.
كما تابع حديثه قائلًا: “النجاح ملهوش مقياس لكل الناس..أنت ممكن تكون شغال شغلة بسيطة بس سعيد وراضي وناجح فيها، فكرة أن ناس حصرت النجاح في أشكال معينة وإنك تقتنع بإن ده هو النجاح ..ده اللي هيخيلك عمرك ما هتبقى سعيد، النجاح هو إنك تحقق اللي أنت عايزه حسب قدراتك وعقلك ودماغك، مش إنك تحقق اللي الناس عايزاه وشايفاه نجاح”.
وأختتم حديثه وقال: “النجاح إنك توصل لسعادة ورضا سواء أنت بقى ملياردير أو اللي جاي على قد اللي رايح، أوعى تحصر فكرة النجاح والسعادة في الفلوس أو في الشهرة ولايكات فيسبوك وإنستجرام ومشاهدات يوتيوب، لإنك كدة عمرك ما هتبقى سعيد”.